ჯონ ჰინიგანი WSOP-ის ივენთებისთვის უცხო მოთამაშე ნამდვილად არ არის - მისი პირველი წარმატება 2002 წლით თარიღდება, როდესაც მან პირველი ოქროს სამაჯური მოიგო. 16 წლის შემდეგ, ის კვლავ მოწოდების სიმაღლეზეა - გუშინ მან WSOP-ის 27-ე ივენთი, $10.000 დოლარიანი H.O.R.S.E.-ის ჩემპიონატი მოიგო. ჰინიგანი 25-ე მოთამაშე გახდა, ვინც 5 ოქროს სამაჯურის მოგება შეძლო. 

"ტურნირი, განსაკუთრებით კი ფინალური მაგიდა ძალიან რთული აღმოჩნდა, - ყვება ჰინიგანი, - ირაჯ პარვიზის მოქმედებების შემდეგ, თამაში ყველას გაგვიძნელდა, განსაკუთრებით - მე. მაგიდაზე ტილტი, დაძაბულობა და ნერვები აშკარად იგრძნობოდა. ერთადერთი მოთამაშე, ვინც პარვიზის წნეხს გაუძლო დევიდ ბეიკერი იყო. მან შესანიშნავი ტურნირი ჩაატარა."

მართლაც, ირაჯ პარვიზიმ საოცარ წნეხში მოაქცია მოთამაშეები. მან სრულად გამოიყენა საკუთარი სტეკის შესაძლებლობები და რამდენიმე წარმატებული ბლეფის გამხელის შემდეგ, მან მოთამაშეებზე სრული კონტროლი მოიპოვა. "ეს კარგი გამოცდილება იყო, - ამბობს ჰინიგანი, - მიუხედავად იმისა, რომ აშკარად ნერვებზე ვიყავი, რამდენიმე მნიშვნელოვან მომენტში იღბალი ჩემ მხარეს აღმოჩნდა, რაც საბოლოოდ ტურნირის მოგებაშიც დამეხმარა."

პირველი ადგილისთვის ჯონ ჰინიგანმა $414.962 დოლარი მიიღო, მისმა ფინალურმა ოპონენტმა - დევიდ ბეიკერმა კი $256.297.