გუშინ სტარტი აიღო WSOP-ის 49-ე სეზონმა, რომელიც პოკერის გულშემატკივრებსა და მოთამაშეებს უამრავ სიახლეს, გაუმჯობესებულ სატურნირო სტრუქტურასა და პოკერის სრულიად ახალ სახეობებს ჰპირდება. 

ტრადიციულად, პირველი ივენთი კაზინოს თანამშრომლებს დაეთმო და ის მედიისთვის დახურული იყო. ამიტომაც, მთელი ყურადღება რიგით მე-2 ღონისძიებაზე - $10.000 დოლარიან Super Turbo Bounty-ზე გადავიდა, რომელსაც 243 მონაწილე შეუგროვდა. ტურნირის საპრიზო ფონდმა $2.284.200 დოლარი შეადგინა. 

2018 წლის საზაფხულო სერიების პირველი ღონისძიების გამარჯვებული ელიო ფოქსი გახდა, რომელმაც პირველი ადგილისთვის $394.000 დოლარი მიიღო. უცნობია, რა თანხა გადაეცა ამერიკელ მოთამაშეს ტურნირიდან გამოთიშული მოთამაშეების ანაზღაურებისთვის. 

შესაძლოა, ზოგისთვის ელიო ფოქსის სახელი უცხოდ ჟღერს, მაგრამ ის საკმაოდ წარმატებული მოთამაშეა: ფოქსმა პირველი ოქროს სამაჯური 2011 წელს მოიგო, როდესაც  WSOPE-ის მეინ ივენთის ჩემპიონი გახდა, $1.870.208 დოლარიანი ანაზღაურებით პირველი ადგილისთვის. გასულ წელს კი, Rio-ში ჩატარებულ მეინ ივენთზე მან ფულში შესვლა და $16.000 დოლარის მოგება მოახერხა. 

ფინალურ მაგიდაზე, ფოქსის ერთ-ერთი მთავარი მეტოქე 2009 წლის WSOP Main Event-ის ჩემპიონი, ჯო კადა იყო, რომლის გამოსვლასაც უამრავი გულშემატკივარი ელოდა, თუმცა, კადამ მხოლოდ მე-9 ადგილი დაიკავა და $28.000 დოლარს დასჯერდა. ცნობილი მოთამაშეებიდან ფინალურ მაგიდაზე პოლ ვოლპი, ალექს ფოქსენი და დევიდ ელდრიჯი მოხვდნენ.