ცოტა ხნის წინ, მონტენეგროში Triton Super High Roller სერია გაიმართა, რომელზეც მაკაუს პრივატული ქეშ-გეიმების რეგულარებიც გამოჩდნენ. პოკერის გულშემატკივრებს ისეთი მოთამაშეების ნახვის საშუალება მიეცათ, როგორებიც ფილ აივი, ტომ დუანი, პატრიკ ანტონიუსი და დენიელ ქეითსი არიან. რა თქმა უნდა, ვეტერანი გემბლერების გამოჩენა ყველას გაუხარდა, მაგრამ არც ის გარემოება უნდა გამოგვრჩეს, რამაც პოკერის უდიდეს სახელებს ერთ კაზინოში მოუყარა თავი.

რამდენიმე მდიდარი ჩინელი ბიზნესმენი რომ არა, Triton-ის სერიები იმ ხმაურს ვერ გამოიწვევდა, რაც პოკერის საზოგადოებას ასე აკლდა. პოლ ფუა, რიჩარდ იონგი, ელტონ ცანგი და ვონ სიანგი - ის მოთამაშეები არიან, რომელთა მაგიდებთან გამოჩენა დუანისა და აივის მსგავსი 'ზვიგენების' მოახლოებას მოასწავებს. HighStakesDB რამდენიმე აზიელი ბიზნესმენის ბანკროლს ასაჯაროებს.

პოლ ფუა მალაიზიელი ბიზნესმენია, რომლის სახელთანაც უამრავი ჭორია დაკავშირებული. როგორც კულუარებში ამბობენ, ის მსოფლიოს უდიდესი ბუკმეკერია, რომელიც მაკაუსა და აღმოსავლეთ აზიის რამდენიმე რეგიონში წარმოუდგენლად დიდ თამაშებს აწყობს. ბიზნესში ნაშნოვნი ფულის დახარჯვა პოლ ფუამ საკუთარ თამაშებშივე გადაწყვიტა და რამდენიმე წლის განმავლობაში მისგან არცთუ ისე ცუდი მოთამაშე დადგა, რომლის დეკლარირებულმა შემოსავალმა $4.950.800 დოლარი შეადგინა. რეალურად, ფუას ქონება $1 მილიარდ დოლარს აჭარბებს. 

როგორც პოლ ფუას მეგობარი, რიჩარდ იონგი ამბობს, ის პოკერს მხოლოდ გასართობად თამაშობს. "მე პოკერით ვერთობი, ასე რომ არანაირი რისკს ამ თამაშში არ ვიღებ" - განცხადება იონგმა 2012 წელს, One Drop-ის ჰაი როლერზე $1.200.000 დოლარის მოგების შემდეგ გააკეთა. დასავლეთში, ძვირადღირებულ ტურნირებზე ბაი-ინის საკუთარი ჯიბიდან გადახდა უჩვეულო პრაქტიკაა. ასეთ შემთხვევებში, მოთამაშეს ერთი, ან რამდენიმე სპონსორი ჰყავს, რომლებიც მის ბაი-ინს იხდიან, სამაგიეროდ კი მოგებიდან შესაბამის პროცენტს მოითხოვენ. რიჩარდ იონგმა One Drop-ისთვის დაწესებული მილიონდოლარიანი ბაი-ინი საკუთარი ჯიბიდან გადაიხადა. ონლაინ ბიზნესის მაგნატის ქონება რამდენიმე მილიარდ დოლარადაა შეფასებული. გასაკვირი არაა, რომ იონგი მსგავს თანხებს განსაკუთრებით არ უფრთხილდება. 

Triton-ის სერიების ერთ-ერთი მთავარი გმირი ელტონ ცანგი იყო, რომელმაც წარშულში ლეონ ცუკერნიკთან პრივატული ქეშ-გეიმ სესიით გაითქვა სახელი. მეტ კირკის მსგავსად, ცუკერნიკმა არც ცანგს გადაუხადა წაგებული $2.000.000 დოლარი. ცანგმა ციხეში ყოფნაც მოასწრო - მას არალეგალური თამაშის მოწყობისთვის წაუყენეს ბრალი. მისი შემოსავლები ტურისტულ კომპანიებსა და ონლაინ ფირმებზე მოდის. გარდა ამისა, როგორც თავად ამბობს, მისთვის გადაუხდელმა ვალმა უკვე $12.000.000 დოლარს გადააჭარბა. ვარაუდობენ, რომ ცანგის ქონება $50.000.000 დოლარს აღემატება. მაკაუს რეგულარებისთვის ის მართლაც მნიშვნელოვანი სტუმარია.