პოკერის სამყაროში ბევრს ლაპარაკობენ იმის შესახებ, თუ რამხელა ბანკროლით თამაშობს ესა თუ ის მოთამაშე, ან რას შეადგენს მისი მოგება? მაგალითად, HighStakesDB-ის მონაცემებით ტომ დუანის ბანკროლი $20-$25 მილიონ დოლარს არ უნდა აღემატებოდეს. კულუარებში კი ამბობენ, რომ მაკაუს პრივატულ სესიებზე, $20 მილიონიან ბანკს ტომ დუანი ერთ დარიგებაში იგებს ან აგებს. 

ზოგჯერ, კითხვა "რამდენი აქვს მოგებული?" - პირიქით ისმება. თუ საქმე ბილ პერკინსს ეხება, მართებული იქნება ვიკითხოთ, რამდენი წააგო მან ონლაინ პოკერის მაგიდებთან? 

ამერიკელი ბიზნესმენი, რომლის ქონებაც რამდენიმე მილიარდ დოლარადაა შეფასებული, პოკერის ისტორიაში ერთ-ერთი ყველაზე წამგებიანი მოთამაშის სტატუსითაა ცნობილი. როგორც HighStakesDB ვარაუდობს, 2008 წლიდან მიმდინარე პერიოდამდე, ონლაინ პოკერის მაგიდებთან, პერკინსმა თითქმის $1 მილიონ დოლარამდე წააგო. მას 8888 დარიგება აქვს ნათამაშები და, საშუალოდ, ის ყოველ დარიგებაზე $100 დოლარს აგებდა. 

მისი ონლაინ პოკერის კარიერა ორ ეპიზოდად შეიძლება დავყოთ: ე.წ. Black Friday-მდე პერიოდი, როდესაც მან $227.000 დოლარი წააგო და 2016 წლის შემდგომი პერიოდი, როდესაც მისი საქმე კიდევ უფრო ცუდად წავიდა, $633.000 დოლარიანი მინუსით. 

თუ პერკინსის ლაივ პოკერის სტატისტიკას შევხედავთ, აქ სიტუაცია შედარებით უკეთაა. ტურნირებზე მისი შემოსავალი $2.5 მილიონ დოლარს შეადგენს, რომლის ძირითადი ნაწილიც 2013 წელს One Drop-ის ივენთზე აღებული მე-3 ადგილის ანაზღაურებაზე მოდის. უცნობია მისი ლაივ ქეშ-გეიმ სესიების სრული სტატისტიკა. ნაკლებსავარაუდოა, რომ მოთამაშეს, რომელიც ონლაინ მაგიდებთან ხშირად ღებულობდა -EV გადაწყვეტილებებს, ლაივ ქეშ-გეიმ სესიებზე უკეთესი შედეგი ეჩვენებინა.