Poker Cat - პოკერის მოთამაშეები რეპ ვიდეოში

მუსიკალურ ვიდეოებში პოკერის მოთამაშეების გამოჩენა ახალი მოვლენა არაა - ყველას ემახსოვრება ტონი ჯის ლეგენდარული ვიდეო, რომელიც, მართალია დამონტაჟებულია, მისი ხმაურიანი და სკანდალური გამონათქვამების კრებულია და პოკერის სამყაროს უდიდეს ჰიტს წარმოადგენს. უნდა ითქვას, რომ ვიდეო, ისე როგორც თავად ტონი ჯი, საკმაოდ კომიკური ხასიათისაა. ცნობილია ფინელი ჰაი სტეიკს გრაინდერის, ილარი საჰამისის ჰიპჰოპ მისწრაფებები. ამ შემთხვევაში, საჰამისი მუსიკას თავად წერს, ან მისი რეპერი მეგობრების ვიდეოებში ჩნდება. 

ამჯერად, პოკერის სამყაროს კიდევ ერთი ჰიპჰოპ ვიდეო იპყრობს: კლიპის მთავარი გმირი პოკერის ვლოგერისა და მოთამაშის, ბრედ ოუენის კატაა. კლიპსაც შესაბამისი სათაური აქვს - Poker cat rap. მუსიკალური თვალსაზრისით სიმღერის შეფასება საკმაოდ რთული საქმეა - მსუბუქად რომ ითქვას, ბრედ ოუენის მუსიკალური შესაძლებლობები უამრავ ადამიანს გაუცრუებს იმედს. რაც ამ ვიდეოს განსაკუთრებულ ელფერს სძენს, ისაა რომ მასში დაგ პოლკი, ფილ ჰელმუტი, 2017 წლის WSOP მეინ ივენთის გამარჯვებული - სკოტ ბლამსტაინი და პოკერის კიდევ ერთი ვლოგერი, ენდრიუ ნიმი მონაწილეობენ. 

ცნობილი მოთამაშეები სიმღერაში მოთხრობილი ისტორიის ხაზს მისდევენ, სადაც 'პოკერის კატა' თავისი წარმატების შესახებ ყვება, და იმ მოვლენებს იხსნებენ, რაც მათ Bellagio-ში, პრივატული ქეშ-გეიმისას გამოსცადეს. ჰელმუტისა და პოლკის მონათხრობით, 'პოკერის კატა' სახელად კოსმო ყველაზე რთული ოპონენტი იყო, რომელიც ბლეფს ხშირად მიმართავდა, შემდეგ კი 'ბობის რუმში' მოკალათებული რძეს მიირთმევდა. სკოტ ბლამსტეინი კი უკმაყოფილებას ვერ მალავს იმ ფაქტის გამო, რომ კოსმოს ნაცვლად, ხალხის რჩეული მოთამაშე ენდრიუ ნიმი გახდა. მისი აზრით, პოკერის ინდუსტრიაში უამრავი პოლიტიკურად მოტივირებული გადაწყვეტილება მიიღება, რასაც ნიმის შემთხვევაც ადასტურებს.

რუმები

ქართული უცხოური