ერთ-ერთი დიდი კითხვა, რაც პოკერის მოყვარულებს აქვთ და რომელზე პასუხიც ჯერჯერობით არ არსებობს, დასპონსორებული მოთმაშეების შემოსავლებს შეეხება. არავინ იცის რეალურად რამდენს უხდიან დიდი კომპანიები თავიანთ წარმომადგენლებს. კონტრაქტით გათვალისწინებული პირობების მიხედვით კი, მოთამაშეს საკუთარ ჰონორარზე საჯაროდ საუბრის უფლება არ აქვს. 

უკვე წარსულს ჩაბარდა ის დრო, როდესაც Full Tilt Poker-ის პროფესიონალთა გუნდის ყველაზე დაბალრეიტინგული მოთამაშეც კი თვეში რამდენიმე ასეულ ათასს იღებდა. დღესდღეობით, პოკერ-რუმთან კონტრაქტის გაფორმება ურთულეს ამოცანას წარმოადგენს და თუ ასეც მოხდა, მოთამაშეს უზრუნველი ცხოვრება გარანტირებული არ აქვს. 

როგორც ჯეისონ სომერვილთან ჩაწერილ პოდკასტში, ჰაი სტეიკს ონლაინ რეგულარმა, პარკერ ტალბოტმა განმარტა, დასპონსორებული მოთამაშეების წლიური შემოსავალი $40.000-დან $300.000 დოლარამდე მერყეობს. ჯო ინგრამის დაჟინებული მოთხოვნის მიუხედავად, ტალბოტს არცერთი გვარი არ დაუსახელებია. ინგრამის კითხვაზე, ღებულობს თუ არა ჯეისონ სომერვილი წლიურად $300.000 დოლარს, ტალბოტმა უპასუხა, რომ მას საკმაოდ დიდი შემოსავალი აქვს, თუმცა, კონტრეტიგისგან თავი შეიკავა. ერთადერთი მოთმაშე, ტალბოტის განმარტებით, ვისი თვიური შემოსავალიც რამდენიმე ასეულ ათას დოლარს შეიძლება აჭარბებდეს, დენიელ ნეგრანუა. 

დენიელ ნეგრანუ და ჯეისონ სომერვილი, გარდა იმისა, რომ PokerStars-ისთვის მუშაობენ, პოკერის ეკოსისტემაშიც მნიშვნელოვან როლს ასრულებენ: დენიელ ნეგრანუ, მიუხედავად იმისა, რომ უკანასკნელ პერიოდში კრიტიკის ქარცეცხლში მოყვა, პოკერის პოპულარიზაციას ჯერ კიდევ ადრეული 2000-იანებიდან ცდილობს. ჯეისონ სომერვილი კი Twitch-ის ერთ-ერთი ყველაზე პოპულარული არხის მფლობელია, რომელიც მთლიანად ონლაინ პოკერს ეთმობა. გარდა ამისა, სომერვილი აქტიურად იყო ჩართული აშშ-ში ონლაინ პოკერის ლეგალიზებისთვის ბრძოლაში.