2018 წლის PokerStars Carribean Advanture $10.300 დოლარიანი მეინ ივენთის გამარჯვებული არგენტინელი მარია ლამპროპულოსი გახდა. პირველი ადგილისთვის მან $1.081.100 დოლარი მიიღო. ეს მისი მეორე ანაზღაურებაა, რომელიც მილიონ დოლარს აჭარბებს. 

გარდა ფულადი ანაზღაურებისა, ლამპროპულოსი პოკერის ისტორიაში შევიდა - ის პირველი მოთამაშე ქალია, ვინც PCA-ის მეინ ივენთის მოგება შეძლო. მისი სატურნირო კარიერა უკვე $2.8 მილიონ დოლარს ითვლის. როგორც უკვე ითქვა, ეს მისი პირველი სოლიდური ერთჯერადი მოგება არაა: გასულ წელს, PartyPoker Millions Dusk Till Dawn-ის პირველი ადგილისთვის, ლამპროპულოსმა $1.255.004 დოლარი მიიღო. 

2018 წლის PCA-ის მეინ ივენთი არგენტინელისთვის საკმაოდ რთული გამოდგა - განსაკუთრებულ სირთულეს ის ფინალურ მაგიდაზე შეეჩეხა, როდესაც ადრიან მატეოსის, კორეი ალდემირისა და შონ ბიუქენენის პირისპირ აღმოჩნდა. ამ უკანასკნელთან, ლამპროპულოსმა, ფინალური ჰედს-აპი ითამაშა. რა თქმა უნდა, ტურნირის მოსაგებად, გარკვეულწილად, იღბალიცაა საჭირო: არგენტინელმა ორი 'კოინფლიპი' მოიგო, რამაც გადამწყვეტი წვლილი შეიტანა ტურნირის მსვლელობაში. 

პირველი ადგილის, ტურნირის ჩემპიონის ტიტულისა და მილიონდოლარიანი ანაზღაურების გარდა, მარია ლამპროპულოსმა შემდეგი წლისთვის დაგეგმილი $9.000.000 PSPC-ის უფასო მოსაწვევიც მიიღო, რაც რიგითი მოთამაშისთვის $30.000 დოლარი ეღირება.