გას ჰენსენი, ნელი ტემპით, მაგრამ დამაჯერებლად უბრუნდება პოკერის დიდ სცენას. გემბლინგის სამყაროს ცოცხალი ლეგენდა WPT-ის სერიებზე გამოჩნდა. საერთო ჯამში, მას WPT-ის 3 ტიტული აქვს მოგებული და პოკერის მსოფლიო ტურის ისტორიაში ერთ-ერთ საუკეთესო მოთამაშედ ითვლება. თუმცა, მიუხედავად მისი წარმატებებისა, ჰენსენის უკანასკნელი ანაზღაურება 2008 წლით თარიღდება, როდესაც დანიელმა მოთამაშემ WPT World Championship-ის ტურნირზე, მე-2 ადგილისთვის $1.7 მილიონი დოლარი მიიღო. 

"პოკერის სატურნირო სცენა მართლაც კარგა ხნის წინ დავტოვე, - ამბობს ჰენსენი უკანასკნელ ინტერვიუში, - ბოლოს One Drop ვითამაშე, რაც საკმაოდ სახალისო აღმოჩნდა. მიუხედავად იმისა, რომ 'ბაბლზე' აღმოვჩნდი და უფულოდ გამოვვარდი, ვფიქრობ, რომ ტურნირი მაინც საკმაოდ კარგად ვითამაშე. ტურნირების თამაში იმდენად მომენატრა, რომ მგონი, მეინ ივენთზეც დავრეგისტრირდები."

მას შემდეგ, რაც ჰენსენი სატურნირო პოკერიდან გაქრა, თამაში ბევრად განვითარდა და გართულდა. "იმ პერიოდში, უამრავი ცუდი მოთამაშის მოძებნა იყო შესაძლებელი, რომლებთან თამაშზეც უარს არასდროს ვამბობდი. ახლა კი, ეს ცუდი მოთამაშეები შენზე მძიმე შეტევას ახორციელებენ, რაც რთული მოსაგერიებელია."

რა თქმა უნდა, The Great Dane დანებებას არ აპირებს: "მე ახალი ტაქტიკა უნდა გამოვიგონო. One Drop-ისა და აქაური ტურნირების თამაშის შემდეგ, ნელ-ნელა ჩვეულ რითმს ვუბრუნდები. მომავალ წელს, გაცილებით მეტს ვითამაშებ. სავარაუდოდ, ჩემი ნახვა გაცილებით ხშირად იქნება შესაძლებელი." 

როგორც ჩანს, პოკერის ისტორიაში ერთ-ერთი ყველაზე წარმატებული და ხმაურიანი მოთამაშე, რამდენიმეწლიანი პაუზის შემდეგ, მართლაც უბრუნდებდა დიდ სცენას.