PokerStars-ის მენეჯმენტი და პროფესიონალთა გუნდი ხშირად გამხდარა უამრავი მოთამაშის კრიტიკის ობიექტი. 'სტარსს' განსაკუთრებით ისინი უტევენ, ვისაც ონლაინ პოკერთან ხშირი და აქტიური შეხება აქვს. მაგალითად, დაგ პოლკი ხშირად ზღვარგადასულ აგრესიას ავლენს მსოფლიოს უდიდესი პოკერ-რუმის მიმართ. მსგავსად მოიქცა ჯო ინგრამი - ერთ-ერთი ყველაზე პოპულარული გადაცემის წამყვანი და ქეშ-გეიმერი, რომელმაც PokerStars-ის 2019 წლისთვის დაგეგმილი ტურნირი გააკრიტიკა.

PokerStars-მა 2019 წლის იანვრისთვის გრანდიოზული ტურნირი დააანონსა, რომელსაც $9.000.000 დოლარიანი გარანტირებული საპრიზო ფონდი ექნება. კომპანიის მენეჯმენტის განცხადებით, ტურნირი საკომისიოს გარეშე გაიმართება. ინგრამი აშკარად უკმაყოფილო ჩანდა. მისი აზრით, PokerStars-ის მიერ რეიკის გარეშე ჩატარებული ტურნირი სხვა არაფერია, თუ არა მანამდე დაგეგმილი ტურნირებისთვის გამართლების მოძებნა და მოთამაშეების მოზიდვა. "ცდილობენ გვაჩვენონ, რომ მოყვარულ მოთამაშეებზე ზრუნავენ და უფასო ტურნირს გვთავაზობენ, სინამდვილეში კი, ყველამ იცის, რაც 'სტარსზე' ხდება."

"ერთადერთი მიზეზი იმისთვის, რომ მსგავსი ტურნირის დაანონსება ერთი წლით ადრე გადაწყვიტეს, ისაა, რომ დაგეგმილი PCA-ის სერიების რეკლამირება და ხალხის მოზიდვა სურთ. 'სტარსმა' იცის, რომ ხალხი მათზე გაბრაზებულია."

"წარსულში, მოთამაშეებისთვის PokerStars-ის სპონსორობა მნიშვნელოვანი მოვლენა იყო, რადგან კომპანიის სახელი ბევრს ნიშნავდა. ახლა, ეს მხოლოდ შემოსავლის წყაროა და მოთამაშეებს საშუალება ეძლევათ, პოკერის წარუმატებელი კარიერის მიუხედავად, სოლიდური ანაზღაურება ჰქონდეთ. მსგავს პრობლემებზე არავინ საუბრობს."

PokerStars-მა მართლაც დააანონსა PCA-ის, ევროპული, აზიური და ლათინური პოკერის სერიების დაბრუნება, რომლებზეც მოთამაშეები აქტიურობით არ გამოირჩეოდნენ.