ვიქტორ ბლომს საათობით უწევს ქეშ-გეიმ მაგიდებზე ჯდომა და ოპონენტის ლოდინი - მასთან თამაში იშვიათად თუ მოუნდება ვინმეს. მიუხედავად იმისა, რომ ქეშ-გეიმები, თანაც ბლომის მოსაწონ ლიმიტზე, საკმაოდ იშვიათია, შვედი მოთამაშე ფულის გამომუშავებას მაინც არ წყვეტს. ბლომმა, 10 წუთიანი შუალედით, PokerStars-ის ორი ივენთი მოიგო, მესამეზე კი ფინალურ მაგიდამდე მიაღწია. 

Isildur1-მა ჯერ $530 დოლარიანი Pot Limit Omaha-ის ტურნირი მოიგო, რომლის ლაინ-აფი 159 მოთამაშისგან შედგებოდა, შემდეგ კი $2.100 დოლარიანი Sunday HighRoller ივენთი, $150.000 დოლარიანი გარანტირებული საპრიზო ფონდით, რომელზეც 102 მოთამაშე დარეგისტრირდა. რა თქმა უნდა, $2.100 დოლარი ლაივ ღონისძიებებისთვის დიდი თანხა არაა, მაგრამ ონლაინ სამყაროში მსგავსი ბაი-ინის ტურნირებს საკმაოდ 'მძიმეწონიანი' მოთამაშეები ეტანებიან. ამ აზრის დასტურად ის რამდენიმე სახელი გამოდგება, რომელიც $150.000 PokerStars Guarantee-ზე დარეგისტრირდა: ჯასტინ ბონომო, კრის ჰანიკენი, იგორ კურგანოვი, მაიკ ტელკერი, ფილიპ გრისემი, პატრიკ ლეონარდი და სხვები. 

ორი ტურნირის მოგების შემდეგ, ვიქტორ ბლომი მაინც არ გაჩერდა და კიდევ ერთი ტურნირის - $500 დოლარიანი PokerStars $150.000 Guarantee-ის ფინალურ მაგიდაზეც ითამაშა, სადაც მე-5 პოზიცია დაიკავა. შვედმა უკვე დაამტკიცა, რომ ტურნირები არანაკლები წარმატებით გამოსდის, ვიდრე ქეშ-გეიმები: სექტემბერში მან WCOOP-ისა და PartyPoker-ის რამდენიმე ტურნირის მოგება მოახერხა; ასევე PartyPoker-ის $25.000 დოლარიან ჰაი როლერის ფინალურ მაგიდაზე თამაში შეძლო, სადაც ბენ ტოლერენთან დამარცხდა.