2017 წლის PartyPoker Caribbean $5.300 Millions Main Event-ის გამარჯვებული სემ გრინვუდი გახდა, $1.000.000 დოლარიანი ანაზღაურებით პირველი ადგილისთვის. 

გრინვუდს შესანიშნავი შემოდგომა ჰქონდა: კარიბის სერიებზე, მან ჯერ $10.300 დოლარიანი ჰაი როლერის მე-3 ადგილი დაიკავა, შემდეგ $25.000 დოლარიანი ჰაი როლერის მეორე ადგილი. მოთამაშეების უმეტესობისთვის მსგავსი მიღწევა საკმარისი იქნებოდა, მაგრამ სემ გრინვუდი ნაჩვენები შედეგით არ დაკმაყოფილდა და მეინ ივენთის პირველი ადგილისთვის ბოლომდე იბრძოლა.

ფინალური დღე გრინვუდმა მასიური ჩიპლიდით დაიწყო, მაგრამ გარკვეულ მომენტში, მისი სტეკი რამდენიმე ბიგ ბლაინდამდე დაეცა. ნელ-ნელა გრინვუდმა სტეკის უკან დაბრუნება მოახერხა და საბოლოოდ, გადამწყვეტ ჰედს-აპში რუს ანდრეი შატილოვს დაუპირისპირდა. ფინალური ჰედს-აპი სამი საათის განმავლობაში გაგრძელდა და საბოლოოდ, 'მეფეების' ჯიბის წყვილით სემ გრინვუდის გამარჯვებით დასრულდა.

"საოცრება იყო! არ მახსენდება, ოდესმე ასე მეგრძნო იღბლის მხარდაჭერა - ძალიან ბევრი ოლინი მოვიგე. ჰაი როლერ ტურნირებზე მშვიდი, სტაბილური თამაშით მივიწევდი წინ, მაგრამ მეინ ივენთზე ძალიან სარისკო სიტუაციებში ვხვდებოდი" - თქვა ტურნირის დასრულების შემდეგ კანადელმა მოთამაშემ. სემ გრინვუდის კარიერა ამ მომენტისთვის $7 მილიონ დოლარზე მეტ მოგებას ითვლის.