დომინიკის რესპუბლიკაში, PartyPoker LIVE Caribbean Poker Party Millions-ის ფესტივალზე გამართულ ჰაი როლერ ივენთში, ნორვეგიელმა პროფესიონალმა მოთამაშემ, პრებენ სტოკანმა, პირველი ადგილისთვის, $275.000 დოლარი მოიგო. 

სტოკანმა 103 მონაწილიანი ფილდი დაამარცხა, რომელშიც რამდენიმე ცნობილი პროფესიონალი მოთამაშის ნახვაც იყო შესაძლებელი. $10.300 დოლარიანი ტურნირის პირველი ადგილისთვის დაწესებული ანაზღაურება, სტოკანის კარიერაში, ჯერჯერობით საუკეთესოა. მისი ლაივ ტურნირების შემოსავალი $800.000 დოლარამდე გაიზარდა. 

ფინალურ მაგიდას ისეთი მოთამაშეები ესწრებოდნენ, როგორებიც შონ ვინთერი, შტეფენ სონტაიმერი, კენი ჰალერტი და სემ გრინვუდი არიან. გადამწყვეტ ჰედს-აპში, სტოკანმა WPT-ის წლის მოთამაშის ტიტულის მფლობელი, ჯონათან ლითლი დაამარცხა. უკანასკნელ დარიგებაში, ლითლმა მოწინააღმდეგის A5-ით გაკეთებული ოლინი ჯიბის 33-ით მიიღო და მიუხედავად ფლოპზე გაკეთებული სეტისა, სტოკანის სთრეითთან დამარცხდა.