გასულ კვირას, ფლორიდელმა მფრინავმა, პოლ პეტრალიამ ჯექსონვილში გამართულ $5.000 დოლარიან WPT მეინ ივენთზე, ფინალურ ჰედს-აპში, სემ პანზიკა დაამარცხა და $315.000 დოლარის მფლობელი გახდა. 

პოლ პეტრალიას წარმატება იმ გარემოებითაცაა განსაკუთრებული, რომ მან გამარჯვება 323 მოთამაშიან ლაინ-აფზე მოიპოვა, რომელთა შორისაც უამრავ ცნობილ მოთამაშეს შეხვდებოდით. რაც შეეხება ფინალურ ჰედს-აპს - პეტრალიამ ჯექსონვილში გამართული გასული წლის WPT Main Event-ის გამარჯვებული, სემ პანზიკა დაამარცხა. პანზიკასთან თამაში მართლაც საკმაოდ რთული უნდა ყოფილიყო: მან არამხოლოდ წინა მეინ ივენთი, არამედ მიმდინარე წლის WPT Bay 101 Shooting Star მოიგო, $1.373.000 დოლარით პირველი ადგილისთვის. 

როგორც ინტერვიუში აცხადებეს, პოლ პეტრალია თამაშის გაგრძელებას არ აპირებს და საკუთარ თავს მოყვარულ მოთამაშეს უწოდებს. გარდა აღნიშნული მოგებისა, მისი საერთო კარიერული შემოსავალი $20.000 დოლარს მოიცავს. 

"პოკერი ჩემთვის ნამდვილი გატაცებაა. არ ვიცი, რამდენად შევძლებდი პოკერის მუდმივად თამაშს? ფრენა გაცილებით ნაკლებ სტრესთანაა დაკავშირებული, ვიდრე პოკერი, ამიტომაც პილოტის პროფესიას მოთამაშისაზე ნამდვილად არ გავცვლიდი. თუმცა, ეს საოცარი გამოცდილება იყო."