"ოპტიმალური თამაშის თეორია" - Game Theory Optimal იგივე GTO პოკერში საკმაოდ ხშირად გამოყენებული ტერმინია. როგორც წესი, როცა საქმე პოკერს ეხება, "ოპტიმალური თამაშის თეორია" მოცემული სიტუაციისთვის საუკეთესო სტრატეგიის გამოყენებას გულისხმობს. სინამდვილეში კი, GTO გაცილებით სპეციფიური კონცეფცია, რომელიც ნობელის პრემიის ლაურეატმა, ლეგენდარულმა ჯონ ნეშმა შექმნა. 

GTO სტრატეგია პოკერში შეიძლება გავიგოთ, როგორც თამაშის სტილი, რომლის სუსტი მხარეების გამოყენებასაც მოწინააღმდეგე ვერასდროს შეძლებს. მოთამაშე ღებულობს ოპტიმალურ გადაწყვეტილებებს, რათა მაქსიმალურად გაზარდოს მოსალოდნელი მოგება და ამავდროულად მაქსიმალურად შეამციროს მოსალოდნელი დანაკარგი. მსგავსი სტრატეგიის დროს, საუკეთესო მოწინააღმდეგეს ცოდნის, პოკერის უნარებისა და რთული მანევრების სრული არსენალის გამოყენებით, საშუალება ექნება ნულოვანი მოგებით ითამაშოს, რაც იმას გულისხმობს, რომ ორივე მხრიდან "ოპტიმალური თამაშის თეორიის" გამოყენების შემთხვევაში, მოგებული მხარე არ იარსებებს. 

GTO-თან დაკავშირებით, ონლაინ გამოცემა PokerNews-მა რამდენიმე მოთამაშე გამოკითხა, მათ შორის იყვნენ რენდი nanonoko ლიუ, მუსტაფა კანიტი, ფედორ ჰოლცი და ჯეისონ მერსიერი, რომლებმაც დასმულ კითხვას, რამდენად ხშირად იყენებდნენ ისინი "ოპტიმალური თამაშის თეორიას", უარყოფითად უპასუხეს. ლუკ შვარცის განმარტებით, GTO გაცილებით გამოსადეგია ომაჰაში, მაგრამ როცა საქმე ულიმიტო თამაშებს, განსაკუთრებით ულიმიტო ჰოლდემს ეხება, ის მნიშვნელობას კარგავს. ბრინ კენის განცხადებით, GTO-ის ნაცვლად, ის თამაშის განგსტერულ სტილს ანიჭებს უპირატესობას.