მსოფლიოს უდიდესი ონლაინ პოკერის ოპერატორი, დამწყები და მოყვარული მოთამაშეების გულის მოსაგებად, კიდევ ერთ ცვლილებას გეგმავს. ამჯერად, საქმე PokerStars-ის MTT-ის (Multi Table Tournament) ტიპის ტურნირებს შეეხება.

როგორც HIghStakesDB-ზე გამოქვეყნებული ნიუსით გახდა ცნობილი, 'პოკერსტარსის' ტურნირებზე ანაზღაურების სტრუქტურა იცვლება, რაც იმას ნიშნავს, რომ ტურნირების საპრიზო ადგილებზე გასვლას დარეგისტრირებული მოთამაშეების 20% შეძლებს. PokerStars-ის ადმინისტრაციის განცხადებით, მეტი საპრიზო ადგილი უფრო მეტ დამწყებ მოთამაშეს წაახალისებს, რაც პოკერის ეკოსისტემისთვის სარგებლის მომტანი იქნება. რა თქმა უნდა, პროფესიონალ და რეგულარულ მოთამაშეებს, აღნიშნულ სიახლესთან დაკავშირებით, მკვეთრად ნეგატიური დამოკიდებულება აქვთ.

"PokerStars-ზე ტურნირების ანაზღაურების სისტემა იცვლება, რაც იმას ნიშნავს, რომ 8 მოთამაშიდან ყოველი 1 მოთამაშე საპრიზო ადგილზე გასვლას მოახერხებს, - წერია პოკერ-რუმის ოფიციალურ განცხადებაში, - ამ დრომდე კი საპრიზო პოზიციის დაკავებას 10 მოთამაშიდან 1 ახერხებდა, რაც მოყვარული და დამწყები ენთუზიასტების უკმაყოფილებას იწვევდა. ჩვენი სურვილია, რაც შეიძლება მეტმა მოთამაშემ განიცადოს მოგების შეგრძნება და რაც შეიძლება ნაკლები დარჩეს უკმაყოფილო მუდმივი წაგებებით."