უკვე თითქმის ერთი თვეა, რაც PokerGo-ის წყალობით, პოკერის გულშემატკივრებს ლეგენდარული სატელევიზიო გადაცემის, Poker After Dark-ის ახალი ეპიზოდებით ტკბობის შესაძლებლობა აქვთ. უფრო ზუსტად თუ ვიტყვით, ახალი სეზონი მხოლოდ PokerGo-ის მომხმარებლებისთვისაა ხელმისაწვდომი. მიუხედავად ამისა, გადაცემის გარშემო ატეხილი აჟიოტაჟი კვლავაც არ ცხრება, მით უმეტეს, რომ სატელევიზიო ეთერს ტომ დუანი დაუბრუნდა. 

გადაცემის პროდიუსერის, მორი ესკანდანის გადაწყვეტილებით, Poker After Dark-ის შემდგომ ეპიზოდებში კიდევ რამდენიმე ახალი მოთამაშის ნახვის შესაძლებლობა გვექნება. როგორც ჩანს, და გასაკვირიც არ უნდა იყოს, ესკანდანი კარგად ერკვევა პოკერის თანამედროვე ტენდენციებში - მან გადაცემაში მონაწილეობის მისაღებად, უკანასკნელი ათწლეულის ერთ-ერთი საუკეთესო მოთამაშეები - დაგ პოლკი, დენ ქეითსი და აიზიკ ჰექსტონი მიიწვია. 

ახალ ეპიზოდებში რამდენიმე სესია გაიმართება, მათ შორის იქნება $50.000 დოლარიანი ტურნირი, winner takes all სტრუქტურით და $300/$600 ქეშ-გეიმი, რომლის მინიმალური ბაი-ინი $200.000ნ დოლარით განისაზღვრა.