წლების განმავლობაში, ფილ ჰელმუტის თამაში პოკერის უამრავი გულშემატკივრის, ან პროფესიონალის კრიტიკას იმსახურებდა. ამჯერად, ლეგენდარულ მოთამაშეს საშუალება აქვს, პოზიციები გაცვალოს და მისი სტილით უკმაყოფილი მოთამაშეები თავადვე გაატაროს კრიტიკის ქარცეცხლში. 

საქმე იმაშია, რომ ფილ ჰელმუტი World Poker Tour-ის კომენტატორთა გუნდს შეუერთდა, რომელიც ცოტა ხნის წინ ლეგენდარულმა მოთამაშემ და WPT-ის ვეტერანმა კომენტატორმა, მაიკ სექსტონმა დატოვა. 

"ჩემთვის დიდი პატივია World Poker Tour-ის გაძღოლა, - თქვა ფილ ჰელმუტმა, - WPT-ის ოჯახში შესვლა ჩემი კარიერისთვის მნიშვნელოვანი ნაბიჯი იქნება. განსაკუთრებული მადლობა მინდა გადავუხადო ადამ პლისკას, WPT-ის აღმასრულებელ დირექტორს, რომელმაც მის გუნდთან თანამშრომლობის შესაძლებლობა მომცა. მე ზურგს რამდენიმე ათწლეულის განმავლობაში დაგროვილი გამოცდილება მიმაგრებს, რომლის გამოყენებასაც თამაშების კომენტირების დროს ვგეგმავ."

"WPT-ისთვის ფილ ჰელმუტთან თანამშრომლობა ძალიან სასიამოვნოა, - ამბობს ადამ პლისკა, - WPT-ის ანალიტიკოსობა დიდ პასუხისმგებლობას და ცოდნას მოითხოვს. ჩვენ გვჯერა, რომ სწორ კანდიდატს მივაგენით, ვინც ტონი დანსტს ჩაანაცვლებს. ფილ ჰელმუტის ანალიტიკურ უნარში ეჭვი არავის ეპარება, ამაზე მისი რეზიუმეც მიუთითებს, რომელიც სავსეა მოგებული ტურნირებით."