როგორც Poker Night In America აანონსებს, 22 და 23 აგვისტოს ფილ ჰელმუტი, დაგ პოლკი, დენიელ ქეითსი და ფრენკ კასელა ერთმანეთს ულიმიტო ჰოლდემის ჰედს-აპ ტურნირში დაუპირისპირდებიან. ტურნირის ბაი-ინი $50.000 დოლარით განისაზაღვრა. 

ივენთს, რომელიც ნიუ იორკში, Rivers Casino & Resort-ში გაიმართება, winner takes all ფორმატი ექნება და პირველი ადგილის მფლობელი $200.000 დოლარს მიიღებს. Poker Night In America-ის საიტზე გამოქყვენებული ინფორმაციის მიხედვით, ტურნირი 'ტვიჩის' პირდაპირ ეთერში გადაიცემა. 

მართალია, ჩამოთვლილი ოთხი მოთამაშიდან არცერთი არ იმსახურებს აუტსაიდერის ან ანდერდოგის სტატუსს, მაგრამ ფაქტია, რომ დაგ პოლკი, თუ მსოფლიოში საუკეთესო არა, ოთხეულში საუკეთესო ჰედს-აპის მოთამაშე მაინცაა, რის გამოც მისი შანსები აშკარად გაზრდილია. შეგახსენებთ, რომ 2017 წლის WSOP-ზე დაგ პოლკმა $111.111 დოლარიანი One Drop High Roller მოიგო, რომლის პირველი ადგილისთვისაც მან $3.7 მილიონი დოლარი მიიღო. 

რაც შეეხებათ ფილ ჰელმუტსა და დენ ქეითსს - ვერცერთმა მათგანმა 2017 წლის WSOP-ზე თავის გამოჩენა ვერ შეძლო. ჰელმუტმა და პოლკმა მიმდინარე ზაფხულს საერთო პოდკასტი ჩაწერეს, სადაც პირად და ოჯახურ თემებთან ერთად, ტომ დუანის კარიერაზე, დაუნსვინგებთან გამკლავებასა და მოპოვებული წარმატების გაზიარებაზე ისაუბრეს.