სოჭში მიმდინარე PokerStars-ის ფესტივალს უამრავი ცნობილი მოთამაშე სტუმრობს. ადგილობრივი მოთამაშეები რომ უმრავლესობაში იქნებოდნენ - მოსალოდნელი იყო. თუმცა, უნდა ითქვას ისიც, რომ ინტერნაციონალურ 'დესანტს' რუსებმა ძლიერი მეტოქეობა გაუწიეს. PokerNews-ის ცნობით, რომელმაც HandonMob-ისა და HighStakesDB-ის მონაცემთა ბაზა გამოიყენა, სოჭში გამართულ PokerStars-ის ჩემპიონატზე 5 საუკეთესო რუსი მოთამაშეა წარმოდგენილი. 

იგორ კურგანოვი - წლის დასაწყისში, კურგანოვი PokerStars-ის პროფესიონალთა გუნდის 30-ე წევრი გახდა. მისი ლაივ ტურნირებიდან მიღებული მოგება $12.2 მილიონ დოლარს აჭარბებს, რითიც კურგანოვი რუსეთის მასშტაბით ყველაზე წარმატებულ მოთამაშეთა სათავეში პირველ ადგილს იკავებს. ამჟამად მის ანგარიშზე 3 მოგება ირიცხება, საიდანაც თითოეულის ოდენობამ მილიონს გადააჭარბა. აღსანიშნავია მისი გამარჯვება EPT Monte Carlo High Roller-ზე, $1.4 მილიონი დოლარით და EPT 10 Monte Carlo Super High Roller-ზე, $1.5 მილიონი დოლარით პირველი ადგილისთვის. 

ვლადიმირ ტროიანოვსკი - $4.7 მილიონიანი მოგებით და EPT ჰაი როლერებზე ნათამაშები 6 ფინალური მაგიდით, ტროიანოვსკი რუსეთის ყველაზე წარმატებულ მოთამაშეებში მე-6 პოზიციას იკავებს. მიუხედავად იმისა, რომ ტურნირის მოგება ვერ მოახერხა, 2016 წლის PCA Main Event-ზე მან მე-5 ადგილი დაიკავა, $207.000 დოლარიანი ანაზღაურებით. 2017 წელი ტროიანოვსკისთვის საკმაოდ წარმატებული აღმოჩნდა: PokerStars Bahamas-ის ფარგლებში მან 4-ჯერ მოახერხა ფულში შესვლა; ჩეხეთში, Kings Casino-ში გამართული ტურნირი მოიგო და მონტე კარლოში ჩატარებული PokerStars-ის €10.000 ევროიან ივენთზე მე-9 პოზიცია დაიკავა. 

ანატოლი ფილატოვი - მიუხედავად იმისა, რომ ფილატოვის ანგარიშზე ჯერჯერობით მხოლოდ $1.3 მილიონი დოლარი ირიცხება, ის რუსული პოკერის ერთ-ერთ ყველაზე მგზნებარე და აქტიურ გულშემატკივრად შეიძლება ჩაითვალოს. ფილატოვი Global Poker League-ის გუნდის, Moscow Wolverines-ის მეთაური და PartyPoker-ის ბრენდის წარმომადგენელია. რაც მთავარია, ფილატოვი ყველა რესურსს იყენებს, რათა რუსეთში პოკერი უფრო პოპულარული და ხელმისაწვდომი გახდეს. მისი საუკეთესო შედეგი, ჯერჯერობით, EPT Vienna High Roller-ზე აღებული მე-2 ადგილია, რომლისთვისაც ფილატოვმა $366.000 დოლარი მიიღო.

ტიმოფეი კუზნეცოვი - კუზნეცოვის ლაივ ტურნირების კარიერა მხოლოდ 3 საპრიზო ადგილს მოიცავს. მიუხადავად ამისა, ის ერთ-ერთ ყველაზე საშიშ რუს მოთამაშედ ითვლება. 3 საპრიზო ადგილიდან, კუზნეცოვის ყველაზე მნიშვნელოვან მიღწევად 2015 წლის Super High Roller Bowl-ზე აღებული მე-4 ადგილი შეიძლება ჩაითვალოს, რომლისთვისაც მან $2.1 მილიონი დოლარი მიიღო. ბევრისთვის ტიმოფეი კუზნეცოვის სახელი არაფერს ნიშნავს, სანამ მის ზედმეტსახელს - Trueteller-ს არ ვახსენებთ. Trueteller ონლაინ პოკერის ისტორიაში ერთ-ერთი ყველაზე წარმატებული ჰაი სტეიკს გრაინდერია, რომლის მოგებამ $2.8 მილიონ დოლარს გადააჭარბა. 2 წლის წინ, მან ფილ აივის წინააღმდეგ 30 საათიანი სესია ითამაშა, სადაც, მართალია მცირედ, მაგრამ მაინც უპირატესობას მიაღწია. აივის წინააღმდეგ თამაში და მცირედი მოგება, რა თქმა უნდა, დიდ მიღწევად შეიძლება ჩაითვალოს. 

ალექსანდრ კოსტრიცინი - რუსული პოკერი წარმოუდგენელია ალექსანდრ კოსტრიცინის გარეშე. $3.000.000 დოლარიანი მოგებით, ის რუსეთის წარმატებულ მოთამაშეთა რეიტინგში მე-11 ადგილს იკავებს. კოსტრიცინმა WSOP-ის 4 ივენთზე მოახერხა ფინალურ მაგიდაზე გასვლა, მაგრამ მისი ერთ-ერთი ყველაზე მნიშვნელოვანი მოგება 2008 წლით თარიღდება, როდესაც მან Aussie Millions მოიგო, $1.45 მილიონი დოლარით პირველი ადგილისთვის. თუ კოსტრიცინის შესაძლებლობებში ეჭვი მაინც გეპარებათ: Aussie Millions-ის ფინალურ ჰედს-აპში რუსმა მოთამაშემ ლეგენდარული ერიკ საიდელი დაამარცხა. ლაივ ტურნირების გარდა, კოსტრიცინის ნახვა PokerStars-ზე მიმდინარე ყველაზე ძვირადღირებულ ქეშ-გეიმებზეა შესაძლებელი. 2010 წელს მან WCOOP-ის ტიტული მოიპოვა, $269.000 დოლართან ერთად. ონლაინ პოკერში მისი საერთო მოგება $4.5 მილიონ დოლარს აჭარბებს.