ინტერნეტში დიდი აჟიოტაჟი გამოიწვია United Airlines-ის თვითმფრინავიდან მგზავრის გაძევებიც ისტორიამ. ვიეტნამში დაბადებული, ამჟამად ლუიზიანაში მცხოვრები დევიდ დაო, კომპანიის დაცვამ თვითმფრინავიდან ხელებშეკრული და ნაცემი გამოიყვანა. როგორც მოგვიანებით გაირკვა, დაოს კარტებში ბევრად უმართლებს, ვიდრე ავიაკომპანიებში.

ისტორია იმით დაიწყო, რომ United Airlines-ის სტაფმა გადატვირთული თვითმფრინავის მგზავრებს, შემდეგი საფრენი რეისის გამოყენების სანაცვლოდ, $800 დოლარი და სასტუმროს უფასო ნომერი შესთავაზა. მგზავრების უარის შემდეგ, ავიაკომპანიამ ერთ-ერთი თვითმფრინავის შემთხვევითი მგზავრი აირჩია, რომელიც მომდევნო ფრენას უნდა დალოდებოდა. შემთხვევითი არჩევნების 'იღბლიანი' გამარჯვებული სწორედ ვიეტნამური წარმოშობის ამერიკელი ექიმი, დევიდ დაო გახდა, რომელმაც თვითმფრინავის დატოვებაზე უარი განაცხადა და თქვა, რომ კენტუკიში მას უამრავი პაციენტი ელოდებოდა. ავიაკომპანიის დაცვამ ნაცემი და ხელებშეკრული დაო თვითმფრინავიდან ძალით ჩამოიყვანა, რის შედეგადაც დაზარალებულმა მგზავრმა რამდენიმე მძიმე დაზიანება მიიღო. 

ინციდენტმა მსოფლიოს სხვადასხვა კუთხეში უამრავი გამოხმაურება ჰპოვა. ასევე ბევრს ლაპარაკობენ მის პირად ცხოვრებასა და იმ წამლების შესახებ, რომელსაც ექიმი თავის პაციენტებს უნიშნავდა. არსებობს ვარაუდი, რომლის მიხედვითაც, ექიმმა თავისი პაციენტებისთვის განკუთვნილი წამლები თავად მიიღო და ფსიქიკურად გაუწონასწორებელი გახდა. თუმცა, ამ ყველაფერს აზარტულ თამაშებთან არავითარი კავშირი არ აქვს. რაც ჩვენს დაინტერესებას გამოიწვევს, დევიდ დაოს HandonMob-ის გვერდია, რომლის მიხედვითაც ირკვევა, რომ 2016 წლის დეკემბრამდე United Airlines-ის მთავარ გმირს პოკერის ლაივ ტურნირებზე $266.263 დოლარი აქვს მოგებული. 

მისი ყველაზე დიდი ანაზღაურება 2009 წლით თარიღდება, როდესაც დევიდ დაომ Harrah's Tunica-ში ჩატარებული WSOP Circuit-ის ივენთზე მეორე ადგილზე გასვლა და $117.744 დოლარის მოგება მოახერხა. მისი კარიერა WSOP-ის საპრიზო ფონდებსაც მოიცავს, მათ შორის 2008 წლის მეინ ივენთზე მოგებულ $27.000 დოლარს. მისი უკანასკნელი მოგება გასული ივლისით თარიღდება, როცა 6.761 მოთამაშეს შორის, WSOP-ის Crazy Eights-ის ტურნირზე მან 30 ადგილისთვის $19.947 დოლარი მოიგო.