როგორც HighStakesDB იუწყება, 'პოკერსტარსზე' ერთ-ერთი ყველაზე ხანგრძლივი ჰედს-აპ სესია გაიმართა. ფილ RaiseOnce აივი და ტიმოფეი Trueteller კუზნეცოვი, 8-გეიმსის $400/$800 მაგიდაზე 30 საათის განმავლობაში თამაშობდნენ. წყვილმა თამაში 9 ოქტომბერს, სერვერის დროით 05:39-ზე დაიწყო და 10 ოქტომბერს 11:13-ზე დაასრულა. 

პირველი 14 საათის განმავლობაში, რუსი მოთამაშე, $320.000 დოლარის პლუსს აჩვენებდა, მაგრამ შემდეგი 9 საათი ამერიკელმა ძალღონე არ დაიშურა, წაგებული თანხის უკან დასაბრუნებლად. ამ საქმეში, მას,  განსაკუთრებით შემდეგი დარიგება დაეხმარა: თამაში - ულიმიტო ჰოლდემი $100/$200. სმოლ ბლაინდზე მყოფი აივის (TT) $600 დოლარიანი რეიზი, კუზნეცოვმა (T7) ქოლით მიიღო. 277 ფლოპზე რუსმა ჩექი გააკეთა, პრეფლოპ რეიზერმა კი კვლავ $600 დოლარამდე გაზარდა, რასაც კუზნეცოვის $2.198 დოლარიანი ჩექ-რეიზი მოჰყვა. აივის ქოლი გამართლდა: თერნზე T დაიდო. კუზნეცოვმა კვლავ პასიური პოზიცია აირჩია, რაზეც აივიმ $3.800 ბეთით უპასუხა. ახლა კი ნამდვილად იყო აგრესიის დრო - რუსმა ისევ ჩექ-რეიზს მიმართა, ამჯერად $17.000. პოკერში რომ იღბალს დიდი როლი აქვს, ეს ყველასთვის ნათელია, მაგრამ აივის მხრიდან, ჩექ-რეიზზე ქოლი ნამდვილი პროფესიონალის თამაში იყო. 

როცა ფულ ჰაუსი გყავს, უკეთეს სცენარს ვერც ინატრებ! რივერზე დადებული 9, რომელიც შესაძლო სთრეითს ასრულებდა, ორივე მოთამაშისთვის სასურველი კარტი აღმოჩნდა. უკვე ხუმრობის დრო აღარ იყო და ჩექის ნაცვლად, რუსმა $26.396 დოლარიანი ბეთით მოწინააღმდეგეს შეუტია და პასუხად $111.441 დოლარიანი რირეიზი მიიღო. კუზნეცოვს წამიც არ დაუხარჯავს ქოლის გასაკეთებლად... 

ზუსტი ციფრები არ არსებობს, რადგან უკანასკნელი 7 დღის მანძილზე, ტიმოფეი კუზნეცოვმა HighStakesDB-ის საკუთარ შედეგებზე წვდომა შეუზღუდა, მაგრამ დაახლოებით შეიძლება ითქვას, რომ მარათონული სესიის განმავლობაში, რუსმა პროფესიონალმა მოთამაშემ $62.687 დოლარი გამოიმუშავა, ხოლო ფილ აივიმ $80.799 დაკარგა.