შესავალი:

ამ სტატიაში

•  რითი განსხვავდებიან ერთმანეთისგან მოთამაშეები?
•  მოთამაშეთა 8 ძირითადი ტიპი.
•  როგორ ვითამაშოთ თითოეულ მათგანთან?

დაბალ ლიმიტებზე არ არის აუცილებელი რიდსები გქონდეთ მოთამაშეებზე და გამალებით აკვირდებოთედ მათ თამაშს, იმიტომ რომ სესიის დასრულების შემდეგ შეიძლება ისინი აღარასდროს აღარ შეგხვდეთ. აუცილებელია იცოდეთ ოპონენტების ძირითადი ტიპები და იცოდეთ, თუ როგორ შეიმუშავოთ კონტრსტრატეგია. ზუსტად ამას ეძღვნება ეს სტატია

რითი განსხვავდებიან ერთმანეთისგან მოთამაშეები?

არის ორი ძირითადი კითხვა, რომელზე პასუხის გაცემაც განასხვავებს მოთამაშეებს ერთმანეთისგან:

• ის ათამაშებს ცოტა თუ ბევრ ხელს?
• ის მას ათამაშებს აგრესიულად თუ პასიურად?

ვინც, ნაკლებად აქცევს ყურადღებას თუ როგორი ტიპის ხელებს ათამაშებს, ასეთ მოთამაშეს ეწოდება Loose (ლუზ) მოთამაშე, ხოლო ის ვინც გულდასმით არჩევს სასტარტო ხელს - Tight ((თაით) მოთამაშე. მიუხედავად იმისა რომ, უმეტეს შემთხვევაში ეს ეხება პრეფლოპ სასტარტო ხელს, რომლითაც მოთამაშე შედის გათამაშებაში, აღნიშნული ეხება ასევე პოსტფლოპ თამაშსაც. მაგალითად არსებობენ „მოვარტყი, ვერ მოვარტყი“ ტიპის მოთამაშეები. ასეთ მოთამაშეებს მოსწონთ ფლოპის ნახვა, მაგრამ თუ ისინი „ვერ მოარტყავენ“ მაშინვე ნებდებიან. ეს ძალიან მომგებიანია, მაგრამ არა მათთვის, არამედ თქვენთვის, იმიტომ რომ უმეტეს შემთხვევაში ისინი ვერ მოარტყავენ და თქვენ იოლად წაართმვთ მათ ბანკს.

მეორე მნიშვნელოვანი საკითხი ეხება ხელის გათამაშების მანერას. რაც უფრო აგრესიულია ოპონენტი, მით უფრო ხშირად უნდა მისდიოთ სათამაშო სვლებს, რომელიც დაეყრდნობა იმას, რომ ოპონენტი გააკეთებს ფსონს. მაგალითად, ეს შეიძლება იყოს ჩვეულებრივი ჩექ/რეიზი. თქვენ აკეთებთ ჩექს, ის აკეთებს ფსონს, თქვენ არეიზებთ. ეს მომენტი მუშაობს ალბათ უფრო იმ დროს როცა თქვენი ოპონენტი აგრესიულია. ე.ი ალბათობა იმისა რომ ის წამოეგება ამ ხაფანგზე - არის მაღალი. ან კიდევ ბლეფის პროვოცირება: ოპონენტისთვის სისუსტის ჩვენება, იმ მიზნით რომ ოპონენტი შეეცადოს ბლეფის გაკეთებას. პასიური მოთამაშეები იშვიათად აკეთებენ ბლეფს, ვინაიდან ბლეფი თავისი ბუნებით არის აგრესიული ქმედება.

პასიური მოთამაშეები საუკეთესო სამიზნეები არიან ველიუ ფსონისთვის. ე.ი მათ წინააღმდეგ თამაში მარტივია. თქვენ გაქვთ კარგი ხელი, ოპონენტს კი არ აქვს ფული ფსიქოანალიტიკოსისთვის, ის იძულებულია ცხოვრება პოკერის მაგიდასთან გაატაროს, დადეთ ფსონი, რადგან ოპონენტი მას თქვენს
მაგივრად არ გააკეთებს.საბოლოო ჯამში ყველაზე კარგად პოკერში ნიუტონის მესამე კანონი მუშაობს, უტრირებულად რომ ვთქვათ ყველა ქმედებას აქვს უკუქმედება. თუ ოპონენტი ლუზია - თქვენ უნდა იყოთ თაითი. თუ ოპონენტი თაითია - თქვენ უნდა იყოთ ლუზი. თუ ის ბევრს ბლეფობს - ითამაშეთ პასიურად და მიეცით საშუალება გამოავლინოს საკუთარი პოტენციალი. თუ ის პასიურია - აიღეთ ინიციატივა.

კლდე (Rock)

მოთამაშეების ტიპების განხილვა დავიწყოთ პირველი ექსტრემალური შემთხვევიდან კლდე (Rock). ის გამოირჩევა იმით რომ პრაქტიკულად არ თამაშობს, თითქმის არ მონაწილეობს გათამაშებაში. ის ზის საათობით და არაფერს არ აკეთებს. ის არ ელოდება კარგ კარტს, ის ელოდება საუკეთესო ხელს. 

თუ ის გიტევთ, დარწმუნებული იყავით რომ მინიმუმ 5 ტუზი ყავს ჯოკერთან ერთად.

შესაბამისად კლდის წინააღმდეგ თამაში საკმაოდ მარტივია:

• გაუკეთეთ მას იგნორირება.
• მოპარეთ ყველა ბლაინდი რამდენის შესაძლებლობაც გექნებათ.
• თუ მან პრეფლოპზე დაქოლა თქვენი რეიზი, მაშინ თქვენ თითქმის ყველა შემთხვევაში ფლოპზე უნდა გააკეთოთ კონტბეთი.
• იყავით ძალიან ფრთხილი, როდესაც ის გაიღვიძებს და შეტევაზე გადმოვა.

თამაშის უცნაური მანერის მიუეხედავად, მსგავსი მოთამაშე დაბალ ლიმიტებზე შეიძლება იყოს მომგებიანი მოთამაშე. ამისთვის მას სჭირდება მხოლოდ ერთი რამ: მის მაგიდაზე უნდა თამაშობდნენ იდიოტები. კლდე ფულს აკეთებს იმ ხალხის ხარჯზე, რომლებიც ბლეფს აკეთებენ იქ, სადაც ეს არ უნდა გააკეთონ, ან ფიქრობენ: ეს ტიპი აქ ზის ერთი საათია და ერთი ხელიც არ გაუთამაშებია, ეხლა კი უცებ ადგა და არეიზებს, ალბათ გიჟია და ბლეფობს

ნიტი (Nit)

ნიტი არის კლდის ერთერთი სახეობა. ის ძირითად შემთხვევაში ცდილობს ითამაშოს კარგი პოკერი, მაგრამ ბოლომდე კარგად არ ესმის თაით სტილით თამაში. 

ნიტსაც ძალიან მოსწონს ღილაკი Fold. ძირითადად ამ ტიპის მოთამაშეებს აქვთ გარკვეული წარმოდგენა პოკერის შესახებ. ძალიან ხშირად გვხვდებიან ჩარტის მიმდევარი ნიტები. ესენი არიან მოთამაშეები რომლებიც მკაცრი და ზუსტი თანმიმდევრობით თამაშობენ ჩარტების მიხედვით და თითქმის არასდროს არ უხვევენ ამ გზიდან.

მაგრამ ფლოპზე, თერნზე და რივერზე ისინი იბნევიან და თამაშობენ შემდეგი პრინციპით: ისინი სხედან მოსაცდელ დარბაზში და ფიქრობენ: „მე არ მინდა იქ ყოფნა, ახლა რაც მინდა არის ის, რომ ამ გათამაშებაში არ ვმონაწილეობდე“

შესაბამისად აქაც მოქმედებს იგივე წესი, რომელიც მოქმედებს როქების შემთხვევაში: აგრესიული თამაში მათ წინააღმდეგ დადებითად აისახება არამარტო თქვენს ეგო-ზე, არამედ თქვენს ბანკროლზეც. ნიტი როგორც წესი ეძებს მიზეზს რომ დაყაროს კარტი. დაეხმარეთ მას მოძებნოს ეს მიზეზი.

ნიტები კონტბეთამდე არასდროს ბლეფობენ, პატივი ეცით ამას და ისე ტყუილ უბრალოდ ნუ დაიძახებთ ქოლს, არ გამოხვიდეთ საფუძველს მოკლებული მსჯელობიდან, რომ ის ბლეფობს. თუ ნიტმა გააკეთა კონტბეთი, აგრძელებს აგრესიას თერნზე, მას ასეთ შემთვევებში თითქმის ყოველთვის ხელში უჭირავს კარგი კარტი.

სუსტი თაითი (Weak-tight)

თუ კვლავ ცოტა წინ წავიწევთ, თამაშის სტილის ნორმალიზაციის მხრივ, ჩვენ მივიღებთ სუსტ თაით სტილის მოთამაშეს. კლდე და ნიტი ითვლება ამ სახეობის ექსტრემალურ ნაირსახეობად.

სუსტი თაითების მთავარი პრობლემა იმაში მდგომარეობს, რომ მათ არ შეუძლიათ აგრესიულად მოქმედება და ასევე არ შეუძლიათ ოპონენტის აგრესიის მათ სასარგებლოდ გამოყენება. ხშირად მათ უბრალოდ არ ძალუძთ სწორი გადაწყვეტილებების მიღება.

ზოგჯერ ამას მალე ვერ შეამჩნევთ, მხოლოდ სესიის განმავლობაში. სუსტი-თაითი ძალიან ხშირად ფოლდავს, თუ მოწინააღმდეგის აგრესია ძაბავს მას.

უიქ-თაითის წინააღმდეგ ხშირად უნდა მოიპაროთ ბლაინდები, ხშირად გააკეთოთ კონტბეთები, შეარჩიოთ ბლეფისთვის შესაფერისი სიტუაციები. "მშიშარა" მოთამაშეებს შორის უიქ-თაითები ყველაზე ადეკვატურები არიან, მაგრამ ჯანმრთელი აგრესიულობა დაგეხმარებათ მისი ფული გახდეს თქვენი საკუთრება.

TAG

TAG არის შემოკლებითი ფორმა "თაით-აგრესიული(Tight Aggressive)"-ს. აღნიშნული სტილით მოთამაშე მოწინააღმდეგე წარმოადგენს პრობლემას, ვინაიდან თუ თქვენ ერკვევით პოკერში, ალბათ თქვენც ამ სტილით თამაშობთ. თაგ სტილი არის გამორჩეულად კარგი სტილი, თამაშის სხვა სტილებთან შედარებით.

თუ თქვენ ხართ კარგი მოთამაშე, მაშინ თქვენ უნდა ეძებოთ თქვენი თამაშის სისუსტეები და ეს სისუსტეები გამოგადგებათ თაგ-თან სათამაშოდ.

თაგ-თან მოგება შეიძლება შერჩევითი აგრესიულობის საშუალებით. თქვენ შეგიძლიათ მას მოპაროთ ბლაინდები, მაგრამ აქაც ძალიან დაკვირვებულნი უნდა იყოთ.

საერთო ჯამში თაგ-თან თამაშისას უნდა დაიცვათ შემდეგი წესები

• ეცადეთ რომ ნაკლებად ეთამაშოთ მათ.
• კონცენტრაცია გადაიტანეთ მაგიდაზე მსხდომ ფიშებზე.
• თუ მაგიდაზე ფიშები არ არიან, გადადით სხვა მაგიდაზე.

თაგებთან თამაში კარგი პრაქტიკაა, განსაკუთრებით გამოუცდელ თაგებთან თამაში დაბალ ლიმიტებზე, რათა მოემზადოთ უფრო მაღალ ლიმიტზე გადასასვლელად სადაც გაცილებით ბევრი თაგ მოთამაშე თამაშობს. ასე შეგიძლიათ თქვენ აღმოაჩინოთ სისუსტეები თქვენს თამაშში. თუმცა ისინი არ არიან იდეალური ოპონენტები იმისთვის რომ "მათ ხარჯზე იცხოვრო"

მანიაკი

მოთამაშის ეს ტიპი წარმოადგენს აბსოლუტურად საწინააღმდეგო სტილს, იმ სტილებთან შედარებით, რომელიც ზემოთ ავღწერეთ.

მანიაკი არის ლუზი და სუპერაგრესიული. პოკერი მისთვის არ არის სტრატეგიული თამაში, არამედ შეჯიბრება "ვინ უფრო მაგარია" და ის დარწმუნებულია რომ ის ყოველთვის, ყველაზე მაგარია.

მანიაკის წინააღმდეგ საუკეთესოა ბლეფის პროვოცირება. მას უყვარს ბლეფი, მიეცით მხოლოდ მას შანსი ამის გაკეთების. დაბალ ლიმიტებზე თუ რომელიმე ტიპის მიმართ გამართლებულია სლოუპლეი, ეს ტიპი არის ზუსტად-მანიაკი.

მანიაკის წინააღმდეგ თქვენ შემდეგნაირად უნდა მოიქცეთ:

• ითამაშეთ თაით სტილით.
• მოახდინეთ ბლეფის პროვოცირება.
• შეამცირეთ საკუთარი ბლეფების რაოდენობა.

დაელოდეთ კარგ კარტს, შემდეგ თავი მოაჩვენეთ, თითქოს პატარა უდანაშაულო კრავი ხართ, რომელსაც ყველაზე მეტად ეშინია მგლების. არ ჩაერთოთ უაზრო შეტაკებებში. დაიმახსოვრეთ რომ პოკერში მთავარია მოგება, სწორი გადაწყვეტილება სწორ მომენტში და არა ის ვინ არის მაგიდაზე ბოსი. თქვენი ოპონენტისთვის თქვენ წარმოადგენთ მხოლოდ ნიკნეიმს და ავატარს. რომც მოინდომოთ მაინც ვერაფერს ვერ დაუმტკიცებთ, ამიტომ ეცადეთ სტრატეგიული თამაშის წყალობით მოუგოთ რაც შეიძლება მეტი ფული.

მანიაკებს და სხვა ექსტრემალური სტილის მოთამაშეებს აქვთ იმის ნიჭი რომ ჩაგაგდოთ ტილტში. თუ თქვენ ატყობთ რომ თქვენ არამარტო გინდათ მოუგოთ ფული მანიაკს, არამედ ტკივილიც მიაყენოთ მას, დროა რომ მოძებნოთ ახალი მაგიდა. ზოგჯერ ეს უფრო მომგებიანია ვიდრე მანიაკთან თამაშის გაგრძლება.

LAG

ლაგი აბრევიატურაა და ნიშნავს "ლუზ-აგრესიული (Loose Aggressive)". ლაგი თამაშობს დიდი რაოდენობით ხელებს და აკეთებს ამას აგრესიულად. ეს სტილი რაღაცით წააგავს მანიაკის სტილს. მაგრამ მანიაკებისგან განსხვავებით ლაგ-ებმა იციან რას და რატომ აკეთებენ. ლაგ-ები ხდებიან ძირითადად ის ხალხი, რომლებიც წარმატებულად თამაშობდნენ თაით აგრესიულ სტილს და უფრო მეტი ველიუს, პიროვნული თვისებების თუ სხვა რაიმე მიზეზით შეცვალეს თამაშის სტილი.  დაბალ ლიმიტებზე მოქმედებს შემდეგი წესი: ლაგ-ები იქ არ თამაშობენ, დაბალ ლიმიტებზე თამაშობენ მანიაკები და მათი მსგავსები, ასევე მოთამაშეები რომლებიც აკეთებენ ლაგ-ის იმიტაციას, მაგრამ არ იციან ბოლომდე ეს სტილი როგორ მუშაობს.

კარგი ლაგი გამოირჩევა იმით რომ პოსტფლოპზე მას შეუძლია ოპონენტს გამოსტყუოს მაქსიმუმი და ხშირად იღებს სწორ გადაწყვეტილებას. საწყისი ხელების ფართო დიაპაზონის გამო, ის ძალიან ხშირად ფლოპზე ვარდება რთულ სიტუაციაში. შესაბამისად სჭირდება ძალიან დიდი თეორიული
და პრაქტიკული ცოდნა იმისთვის, რომ წარმატებული მოთამაშე იყოს.

ლაგს აქვს ის უპირატესობა რომ ძალიან ხშირად ოპონენტები მას მიიჩნევენ მანიაკად და სწორად ვერ აფასებენ მას. ამას ვამბობთ თქვენივე ინფორმაციისათვის, ვინაიდან როგორც უკვე ავღნიშნეთ დაბალ ლიმიტებზე კარგი ლაგ-ები არ არსებობენ, ხოლო მოთამაშეები რომლებიც ჩამოგვანან ლაგებს, შეგიძლიათ იოლად დაამარცხოთ მანიაკების წინააღმდეგ სათამაშო კონტრსტრატეგიის მსუბუქი ცვლილებით: ითამაშეთ ცოტა უფრო თაით სტილით და გაუკეთეთ ოპონენტს ბლეფის პროვოცირება. 

არ ჩაერთოთ უსარგებლო ომებში. მაგრამ თქვენ შეგიძლიათ მოიპოვოთ მისი პატივისცემა, ვინაიდან ლაგი თამაშობს ამ სტილს მანამ სანამ ის თვლის მას საჭიროდ.

ავტომოპასუხე

ავტომოპასუხე ეს არის მოთამაშე რომელმაც არ იცის სად არის ფოლდის ღილაკი, მან მხოლოდ იცის ერთი სვლა, ეს არის ქოლი. ის ქოლს უკეთებს ყველას მიყოლებით, თვითონ კი იშვიათად მიმართავს აქტიურ ქმედებებს. მის ქოლებს ხშირად ვერ მოუძებნი ლოგიკურ დასაბუთებას, თქვენ გააკეთეთ პრეფლოპ რეიზი, ფლოპზე ამოვიდა ვალეტი, რვიანი, სამიანი, ავტომოპასუხე დაგიქოლავთ 96-შიც.

ტყუილად დროს ნუ დაკარგავთ მისი თამაშის არსის გარკვევაში, უკეთესია კონცენტრირება გააკეთეთ შემდეგ კონსტსტრატეგიაზე:

• არასდროს არ იბლეფოთ ავტომოპასუხესთან, შეიკავეთ თავი ნახევარბლეფებისგანაც.
• თუ თქვენ გაქვთ მზა ხელი გააკეთეთ ფსონი.
• ნუ გაუკეთებთ ბლეფის პროვოცირებას, ავტომოპასუხე თითქმის არასდროს ბლეფობს
• გააკეთეთ ფრთხილი ველიუბეთები, ე.ი. გააკეთეთ ფსონები საშუალო სიძლიერის ხელებით, ვინაიდან ავტომოპასუხე დაგიქოლავთ უფრო სუსტ ხელებში.
• დროუ ხელები გაათამაშეთ პასიურად, ვინაიდან ავტომოპასუხე მოგცემთ საშუალებას უფასოდ ნახოთ შემდეგი კარტი
• თუ ავტომოპასუხე გადმოდის შეტევაზე, მაშინ მას როგორც წესი ყავს მონსტრი.

თუმცა ამ ბოლო წესში არსებობს გამონაკლისი, ავტომოპასუხეები დრო და დრო აკეთებენ ბლეფს რივერზე, როცა მათ ვერ ააწყვეს დროუ ხელი. მაგრამ ჩვეულებრივ თქვენ მაინც უნდა გააკეთოთ ფსონი ველიუსთვის, ე.ი. შეკრათ მისაღები ხელი და ველიუბეთის საშუალებით შეეცადოთ მიიღოთ მაქსიმალური მოგება.

პრინციპში ეს არის ყველაზე მარტივი პოკერი, თუ თქვენ ადვილად არ იტილტებით. ვინაიდან ავტომოპასუხეებს, თუ იღბლიან ტალღაზე მოხვდებიან შეუძლიათ ნებისმიერი მოთამაშე გამოიყვანონ წყობიდან. დრო და დრო ისინი არარეალურად გადაგისწრებენ რივერზე, თუ თქვენ არ ხართ მზად ამისთვის, მაშინ ჯობია დატოვოთ მაგიდა.

ვირი "დონქი" (Donkey)

დონქის ძირითადად ეძახიან მოთამაშეს რომელიც ძალიან სუსტად თამაშობს. მისი მოქმედების მთლიანი ლოგიკა იმის მოწმეა, რომ თვითონაც არ გაეგება რას თამაშობს.

ტიპიურ დონქებს, რომლებიც თამაშობენ დაბალ ლიმიტებზე, უყვართ ფლოპის ნახვა და ვერ გებულობენ იმას თუ რატომ უნდა გააკეთო პრეფლოპ რეიზი იმ ლოგიკით რომ : "ჯერ ხომ არ ვიცი რა კარტი ამოვა ბორდზე" ?!

მათ მუდმივად ეჩვენებათ ბლეფი, ისინი სულ ფიქრობენ : "მას ხომ არაფერ არ ყავს" ის ფაქტი რომ თვითონ მასაც არანაირი ხელი არ ყავს, მას არ აჩერებს და მაინც ქოლავენ თქვენს ფსონებს.