1. შესავალი
სტრატეგიული და ტექნიკური შესაძლებლობების გარდა პოკერის მოთამაშისთვის ძალიან მნიშვნელოვანია თვითკონტროლი.
პოკერი - საკუთარი თავის წინააღმდეგ თამაში გახლავთ! სადაც არ უნდა გაიხედო - ყველგან საშიშროება და ცდუნებაა გადაუხვიო სწორ გზას.
ჩვენ გვსურს დაგანახოთ ყველაზე მზაკვრული პრობლემები და მათი გადაჭრის მეთოდები. მოყვანილი მაგალითები ეხება Fixed Limit სტრატეგიას, მაგრამ ცხადია მოყვანილი პრინციპები ულიმიტო ჰოლდემშიც მუშაობს.
2. ბედ-ბითის პრობლემა
ბედ-ბითი სპეციალური გამოთქმაა შემდეგი შემთხვევისთვის: თქვენ ათამაშებთ ძლიერ საწყის ხელს, ფლოპი გეხმარებათ, და მაინც აგებთ ოპონენტის უფრო სუსტ ხელთან, რადგანაც ამ უკანასკნელს ძალიან უმართლებს. თანაც მოწინააღმდეგე საკუთარ ხელს სრულიად არასწორად ათამაშებს.
არასდროს არ მისცეთ საშუალება დასანან გათამაშებას რელსებიდან გადაგიყვანოთ და გაიძულოთ უარი თქვათ გათამაშების თეორიულად კორექტულ გზაზე.
პრეფლოპზე ზრდით ფსონს AK-ით, ოპონენტი ქოლდქოლით გპასუხობთ A6s-ით. A62 „ცისარტყელა“ ფლოპზე, ფიქრობთ, რომ წინ ხართ და აგებთ ორი წყვილის წინააღმდეგ. ოპონენტის ქოლდქოლი სრულიად არასწორი გახლდათ. ასეთ შემთხვევებში სიბრაზისგან მონიტორის დამტვრევა გსურთ! წაგება ყოველთვის არასასიამოვნოა, განსაკუთრებით მსგავსად გათამაშებული ხელის წინააღმდეგ. ასეთი გათამაშებები ერთი მეორეს თუ მოსდევს, ცივსისხლიანად თამაშის გაგრძელება რთულდება. თქვენ უხვევთ გათამაშების სწორი მეთოდისგან: ყოყმანობთ ძლიერი ხელით ფსონის გადაზრდას. „მე ხომ რივერზე ისევ გადამასწრებენ. სჯობს ბევრი ფული არ ჩავდო ბანკში“. რა თქმა უნდა, ეს შეცდომაა. ხელიდან უშვებთ ბანკის გაზრდის შესაძლებლობას და შანსს აძლევთ სუსტ დროუ-ხელებს(მაგ: გათშოთს) დარჩნენ გათამაშებაში და მართლაც გადაგასწრონ.
ნუ დაუწყებთ ოპონენტებს ჭკუის დარიგებასა და ნუ მიაყანებთ შეურაცხყოფას!
გსურთ მოწინააღმდეგეს არასწორ თამაშზე მიუთითოთ ან სულაც გალანძღოთ. სრულიად გასაგები, მაგრამ ამავდროულად რაღაცით აბსურდული სურვილი. ოპონენტს თუ სუსტ მოთამაშეს ან დამწყებს უწოდებთ, ამით სხვებს მხოლოდ იმას ანახებთ, რომ თქვენც ამ კატეგორიაში ბრძანდებით, რადგანაც ძლიერი მოთამაშეები მოწინააღმდეგეს არ ლანძღავენ და ჭკუას არ არიგებენ. თქვენმა დარიგებებმა შეიძლება მიგვიყვანოს იქამდე, რომ
1. თქვენი მოწინააღმდეგე უფრო ჭკვიანი და შესაბამისად თქვენთვის უფრო საშიში გახდება
2. ოპონენტი, რომელიც იქამდე ზედაპირულად თამაშობდა, მოიკრებს მაქსიმალურ კონცენტრაციას, მეტად ჩაერთვება თამაშში და შესაბამისად ნაკლებ შეცდომას დაუშვებს.
გალანძღვა კიდევ უფრო უარესია. პირველ რიგში, უპატივცემულობაა, მეორე რიგში კი უბრალოდ სისულელე. სუსტი ოპონენტები პოკერის პროფესიონალი მოთამაშის კლიენტები არიან. საკუთარი კლიენტების გინება უტვინობის გამოვლინებაა. შეურაცხყოფილმა ოპონენტმა შეიძლება მაგიდა დატოვოს და ამგვარად წაიღოს თქვენი პოტენციური მოგება.
იფიქრეთ გრძელვადიან მასშტაბზე, ნუ იღელვებთ იმწამინდელი წარუმატებლობის გამო.
მართებული დამოკიდებულება საქმისადმი უნდა იყოს შემდეგი - სუსტ ოპონენტებს მოაქვთ თქვენთვის უფრო მეტი ფული არასწორი ქოლების ხარჯზე, ვიდრე აგებთ ბედ-ბითების დროს. თქვენ ბედნიერი უნდა იყოთ, რომ ასეთი მოთამაშეები გისხედან მაგიდასთან, ბედნიერი უნდა იყოთ, რომ ისინი სწორედ ასე თამაშობენ! ერთი სიტყვით, არ აქვს აზრი გამოხვიდეთ წყობილებიდან, თუ მათ ზოგჯერ უმართლებთ.
იყოთ დიდებული - ნიშნავს შეგეძლოთ შეეგუოთ გარდაუვალს (ფ. ნიცშე).
3. წარუმატებლობების სერიის პრობლემა (დაუნსვინგი)
თანავუგრძნობ ყველას, ვისაც წარუმატებლობების სერია აქვს. რა თქმა უნდა, ყველა პოკერის მოთამაშე შეხვედრია ამ პრობლემას. ის კი ყოველთვის დიდი იმედგაცრუების მომტანია.
3.1 მოკლევადიანი დაუნსვინგი
ზემოთქმული საკმაოდ ხშირად გვხვდება. თქვენ თამაშობთ ნორმალურ, სოლიდურ სტილში, მაგრამ სესიის დასრულებისას აგებთ ყველა მაგიდაზე. როგორ ავხსნათ ეს? პრინციპში ეს მრავალი წარუმატებელი ფაქტორის ნაზავია. ბევრი სიძლიერით მეორე ხელის, ბედ-ბითისა და ხარისხიანი დრო-ხელების, რომლებიც ვერ გახდნენ მზა- ხელები.
ბევრი მოთამაშისთვის უკეთესია - დააწესოს წაგების ლიმიტი. ერთ-ერთი კარგი ვარიანტია - 50 დიდი ბლაინდი. ყოველთვის ასე - თუ აგებთ, ხასიათი გიფუჭდებათ. ჩნდება დიდი საფრთხე იმისა, რომ დაიწყებთ ჩვეულებრივზე სუსტად თამაშს. ყველა, ვინც მარტივად კარგავს თვითკონტროლს, იტილტება, ვალდებულია მკაცრად დაეყრდნოს წაგების ლიმიტს. და კიდევ. თუ აგებთ, შეიძლება ეს სხვა გარემოებების გამო ხდება. შეიძლება, რომ თქვენი ოპონენტები განსაკუთრებით ძლიერები არიან. ყოველ შემთხვევაში, ცუდი არ იქნება, თუ პაუზას აიღებთ.
50 დიდი ბლაინდის წესი (Fixed Limit) : თუ სესიაზე წააგეთ 50 დიდ ბლაინდზე მეტი, შეისვენეთ მეორე დღემდე.
ეს წესი როგორც უკვ ავღნიშნეთ ლიმიტირებულ ჰოლდემს ეხება, მაგრამ თუ მოყვანილ ციფრებს გავამრავლებთ 10-ზე, ულიმიტო ჰოლდემის საკმაოდ კარგ სახელმძღვანელოს მივიღებთ.
ულიმიტო ჰოლდემში ეს წესი 500 BB-ს წესი იქნება.
ქვედა ლიმიტზე დაშვების წესი : თუ თქვენი ბანკროლი შემცირდა ქვედა ლიმიტის 300 დიდ ბლაინდამდე, მაშინ სჯობს ლიმიტი სწორედ ამ დონემდე დასწიოთ. მაგალითად, თუ თქვენ თამაშობთ 3$/6$-ზე, თქვენი ბანკროლი კი 1200$-მდე შემცირდა, ესეიგი ქვედა, 2$/4$ ლიმიტის 300 დიდ ბლაინდამდე, სჯობს სწორედ აქ განაგრძოთ თამაში.
წესი: დაუნსვინგის დროს არცერთ შემთხვევაში არ ითამაშოთ უფრო დიდ ლიმიტზე, ვიდრე ჩვეულებრივ თამაშობთ ხოლმე, ან გადახვიდეთ პოკერის სხვა ვარიანტზე(მაგალითად ლიმიტირებულიდან, ულიმიტო პოკერზე).
3.2 გრძელვადიანი დაუნსვინგი
ყველაზე რთული გამოცდა პოკერის მოთამაშისთვის გრძელვადიანი დაუნსვინგია. ის შეიძლება კვირაობით გაგრძელდეს და მის გამო ბევრი პოკერ-კარიერა დასრულებულა. ძნელი დასაჯერებელი შეიძლება იყოს, მაგრამ წარუმატებლობის გრძელვადიანი სერია სრულიად იხსნება მათემატიკურად და მსგავსი სერიები რომ არ არსებობდეს, სწორედ ეს იქნებოდა პარადოქსი. თუ კარგად გაიაზრებთ ამას, გაგიმარტივდებათ მათი გადატანა.
იმის მიუხედავად, რომ პოკერი სტრატეგიული თამაშია, მართებულმა სტრატეგიამ შეიძლება მალევე არ გამოიღოს შედეგი. ე. წ. დისპერსია - მათემატიკური ფაქტორი წარმატებისა და წარუმატებლობის სერიის გასაზომად - მოულოდნელად ძალიან დიდია.
შესაძლებელია აგებდეთ ფულს მრავალი ათასი დარიგების განმავლობაში და ამავდროულად აბსოლუტურად სწორად თამაშობდეთ! მეორე მხრივ, ზოგჯერ მოგებაც ჩვეულებრივზე არსებითად მაღალია. დისტანციაზე კი რეალური მოგება მიუახლოვდება მათემატიკურად მოსალოდნელს.
რა თქმა უნდა, არ შეიძლება გამოირიცხოს, რომ დაუნსვინგი გამოწვეულია არასწორი თამაშით. კითხეთ საკუთარ თავს, ლიმიტი ძალიან მაღალი ხომ არ არის. ისინი, ვინც ჩვენს რეკომენდაციებს მისდევენ ბანკროლის მართვისას, ავტომატურად ამცირებენ ლიმიტს, როგორც კი თამაში არ მისდით.
გამოიყენეთ დაუნსვინგის პერიოდი პოკერის თეორიის შესასწავლად!
წარუმატებლობის სერია - ყოველთვის კარგი შესაძლებლობაა შეამოწმოთ საკუთარი ძალები. სად მდებარეობს ჩვენი აქილევსის ქუსლი, რომლის გამოისობითაც, გამუდმებით ვკარგავთ ფულს? სწორედ დაუნსვინგის დროს განსაკუთრებით ბევრი უნდა იმუშავოთ საკუთარ თამაშზე და იკითხოთ პოკერის ლიტერატურა. დროის გამონახვა კი არ უნდა გაგიჭირდეთ, რადგან ამ პერიოდში თამაში ისედაც განსაკუთრებით არ გსურთ.
წესი: გახსოვდეთ წარმატებული და წარუმატებელი სერიების მათემატიკური ბუნება!
ის, ვინც გააცნობიერებს აფსვინგებისა და დაუნსვინგების გარდაუვალობას, როგორც წესი, უფრო მარტივად გადაიტანს მათ და არ მისცემს საშუალებას გავლენა იქონიონ თამაშზე.
ითამაშეთ ყოველთვის, როგორც მანქანამ!
4. სწავლის პრობლემა
ბევრი მოთამაშე ერთ დონეზე რჩება, რადგანაც სწავლის ჩვეული მეთოდი პოკერში მიუღებელია. ისინი ხვდებიან მახეში, რადგანაც აზროვნებენ მოკლევადიან რეზულტატებზე დაყრდნობით, რასაც საბოლოო ჯამში მივყავართ არასწორ აზრებამდე.
არ მიაქციოთ ყურადღება ერთეულ შემთხვევებს. დასკვნები მხოლოდ მრავალრიცხვოვან მონაცემებზე დაყრდნობით გააკეთეთ.
როგორც უკვე მრავალჯერ დავრწმუნდით, პოკერში არ შეიძლება თამაშის კორექტულობა შედეგით გაიზომოს. არსებობს ბევრი დარიგება, რომელიც მოიგეთ, მიუხედავად იმისა, რომ სრულიად არასწორად ითამაშეთ და პირიქით, ბევრი ისეთი, რომელშიც აბსოლუტურად სწორად თამაშობდით, მაგრამ მაინც წააგეთ.
შეისწავლეთ პოკერი აბსტრაქტულად, თეორიულად!
ეს შეუთავსებლობა გვიშლის ხელს გამოვიყენოთ სწავლის ტიპიური მექანიზმები. ჩვენი ტვინის მუშაობა დამოკიდებულია მოკლევადიან წარმატებასა და წარუმატებლობასთან, ცდებისა და შეცდომების პრინციპით. მაგრამ პოკერი - გრძელვადიანი თამაშია და წარმატება არც თუ ისე იშვიათად, საკმაოდ დიდი დაგვიანებით მოდის. სწავლა პოკერში - თეორიული საფუძვლების შესწავლა და პრაქტიკაში მათი გამაგრებაა.
5. პროგნოზირების პრობლემა
მოცემული პრობლემა მჭიდროდ უკავშირდება სწავლის პრობლემას, ის ემყარება ჩვენი ტვინის ერთ-ერთი უდიდეს შესაძლებლობას - მაგალითების ამოცნობას. ადამიანი სწავლობს იმის ხარჯზე, რომ ეძებს ანალოგიებს, განმეორებად სტრუქტურებსა და აზრობრივ ურთიერთკავშირებს, შთაბეჭდილებების ქაოსურ ნაკადში.
ეს გარდაუვალი „ცერებრალური ინსტიქტი“ სავსებით პროდუქტიულია, მაგრამ ხშირად მივყავართ იმასთან, რომ მაგალითები მდებარეობენ იქ, სადაც ისინი არ არიან. პოკერში ბევრი მოთამაშე იწყებს პროგნოზირებას გასული მოვლენების საფუძველზე, თუმცა ისინი მომავალზე არცერთ შემთხვევაში არ ახდენენ გავლენას. წარმატებისა და წარუმატებლობის სერიები ასახავენ გასულ შედეგებს, მაგრამ მეტს არაფერს.
ფლეშ-დროუ 5-ჯერ თუ ვერ ავაწყვე, არანაირად არ ნიშნავს, რომ მომდევნო ჯერზეც ვერ ავაწყობ. ის არ ნიშნავს, რომ ფლეშ-დროუთი რივერამდე არ უნდა მივიდე, რადგან დღეს „ფლეშ-დროუ არ იწყობა“. თუ ახლახანს 1000 დოლარი წავაგე, ნამდვილად წარუმატებლობის სერია ყოფილა, მაგრამ მას არ შეუძლია რაიმე სახით გავლენა მოახდინოს მომავალ მოვლენებზე.
6. მოუთმენლობის პრობლემა
სასტარტო ხელების ცხრილს ვინც მიჰყვება, საშუალოდ 20% გათამაშებაში ერთვება, ესეიგი, 5-დან 4 შემთხვევაში კარტს ყრის. ძალიან მნიშვნელოვანი წესი - Winning by folding (Пас – деньги спас!)!
ბევრს ამგვარად სწყინდება, აკლიათ „ექშენი“. მათ ახსენდებათ, რომ მამაცი ქავბოი ვესტერნებში უფრო მეტს ბლეფობდა ვიდრე კარტს ყრიდა. მაგრამ ეს ჰოლივუდი არ არის, რეალობა უფრო სასტიკია. მხოლოდ ისინი, ვინც ხარისხიანი კარტით თამაშობს, აღწევს წარმატებას. ანალოგიური ეხება ფლოპსაც. თუ აქ ვერაფერი ვერ „დაიჭირეთ“
- გადაყარეთ თქვენი ნაგავი! კარტის დაყრა - თქვენი ყველაზე მნიშვნელოვანი იარაღია თამაშში! სიტყვამ მოიტანა და, მოწყენა არ ღირს. თამაშს თუ გვერდიდან უყურებთ, მაინც ბევრი რამით შეგიძლიათ დაკავდეთ. წარმატებულად რომ ითამაშოთ, საჭიროა ოპონენტებზე დაკვირვებისა და კლასიფიცირების ცოდნა. ისტორიაში შეგიძლიათ გასული დარიგება ნახოთ და გამოიტანოთ დასკვნები მოწინააღმდეგის თამაშის მანერაზე. როდესაც უკეთესად ითამაშებთ, შეგეძლებათ რამდენიმე მაგიდაზე ერთდროულად ითამაშოთ და მოსაწყენად დრო აღარ დაგრჩებათ! მაღალ ლიმიტებზე თამაშისას ადრენალინის მოზღვავებას სისხლში ბანკის ზრდასთან ერთად იგრძნობთ. საბოლოო ჯამში კი თამაშისადმი პატივისცემითა და გულმოდგინე დამოკიდებულებით დაიწყებთ ურთიერთობას.
კარტის დაყრის შემდეგ, დააკვირდით ოპონენტებს. ავარჯიშეთ ხელის ამოცნობის უნარი!
კიდევ ერთი შესაძლებლობა დრო გაატაროთ - ხელის ამოცნობაში ვარჯიში. პოკერის მოთამაშის ერთ-ერთი ყველაზე მნიშვნელოვანი და აუცილებელი შესაძლებლობა სწორედ ხელის ამოცნობა გახლავთ. თქვენ გამუდმებით უნდა ავარჯიშოთ ეს უნარი. გამოიყენეთ გათამაშებები, რომელშიც ხელს დაემშვიდობეთ, რათა დაფიქრდეთ, რა კარტი შეიძლება ჰყავდეთ დარჩენილ ოპონენტებს.
7. პრობლემა - წაგებულის დაბრუნების სურვილი
ბევრისთვის მძიმეა სესიის წაგებაში დასრულება. ამას მივყავართ იქამდე, რომ ისინი თამაშობენ იმაზე მეტ ხანს, ვიდრე ამას კონცენტრირების შესაძლებლობა აძლევთ. არ ითამაშოთ ჩვეულებრივზე აგრესიულად, თუ წაგებაში ხართ!
განსაკუთრებით საფრთხილოა გადამეტებული თამაში დაძინებამდე, რადგან დაღლილობას თამაშის სიძლიერის არსებით გაუარესებამდე მივყავართ. არავითარ შემთხვევაში არ უნდა ეცადოთ წაგებულის დაბრუნებას რადაც არ უნდა დაგიჯდეთ. ზედმეტად აგრესიულ თამაშს, როგორც წესი, უფრო მეტ დანაკარგთან მივყავართ.
მისდიეთ სესიის დაგეგმილ დროს!
It’s one big session! (ეს ერთი დიდი სესიაა!)
ღირს დევიდ სკლანსკის ციტირება: „ეს ერთი დიდი სესია გახლავთ“. ჩვენი პოკერ-კარიერა ერთი დიდი სესიაა და მომდევნო საათი, მომდევნო საათია, მიუხედავად იმისა, დადგება ის იმ წამსვე თუ მეორე დღეს დილით, როდესაც კარგად გამოიძინებთ. არ ღირს განსაკუთრებული ყურადღების მიქცევა ერთ კონკრეტულ სესიაზე. თუ ადრე წარმატებულად თამაშობდით, თქვენი ბანკროლი გაზრდილი იქნება, მიუხედავად წარუმატებელი სესიისა. აქამდე თუ მომგებიანი მოთამაშე იყავით, თქვენ ასეთივედვე დარჩებით. მაშასადამე, არ არსებობს არანაირი მიზეზი ნერვიულობისთვისა და აღელვებისთვის. ყველაფერს სჯობს დაგეგმოთ სათამაშო დრო და მისდიოთ ამ გეგმას!
დატოვეთ მაგიდა, თუ სათამაშო პირობები შეიცვალა, არ აქვს მნიშვნელობა ხართ მოგებაში თუ არა.
განსახილველი პრობლემის სპეციალური ფორმა ჩნდება მაგიდის სწორი არჩევისას. ხშირად ხდება შემდეგი. თქვენ ეძებთ მაგიდას სუსტი მოთამაშეებით, პოულობთ მას და მინუსში გადიხართ. მოხედვა ვერ მოასწარით და სუსტი მოთამაშეები მაგიდიდან ადგნენ, ხოლო მათ ადგილას კი საკმაოდ თაითი ოპონენტები დასხდნენ. ბევრი რჩება მაგიდაზე იმედით, რომ წაგებულს დაიბრუნებს. ეს, რა თქმა უნდა, არასწორი დამოკიდებულებაა საქმისადმი. პოკერში მნიშვნელოვანია მოგების მოლოდინი და ის სუსტი მოთამაშეებით დაკომპლექტებულ მაგიდაზე გაცილებით დიდია!
8. თავმოყვარეობის პრობლემა
სხვადასხვა მოთამაშეს თავმოყვარეობის სხვადასხვა მაჩვენებელი აქვს და ეს ფაქტორი თამაშის განსხვავებულ სტილს აყალიბებს. მთავარი არა ბევრი ბანკის მოგება, არამედ მოგებული თანხის რაოდენობაა
ზეაგრესიული მოთამაშეებს ანუ მანიაკებს უჩნდებათ მოთხოვნილება იყვნენ ყურადღების ცენტრში და იბლეფონ. მათ უნდათ რაც შეიძლება მეტი ბანკი მოიგონ რათა დაამტკიცონ თავიანთი სიდიადე. მართლაც ისინი ბევრ ბანკს იგებენ მაგრამ ადრე თუ გვიან მთელ ფულს აგებენ. პოკერში წარმატებას მოგებული ბანკების რაოდენობა კი არა დადებითი ბალანსი განაპირობებს.
ითამაშეთ მხოლოდ იმ ლიმიტებზე რომლებზეც შეგიძლიათ მოგება!
სხვა მოთამაშეებს თავის გამოჩენა უნდათ, ისინი ეთამაშებიან ძლიერ მოთამაშეებს მაღალ ლიმიტებზე. დაბალი ლიმიტები მათ ღირსებას არ ეკადრება. თუ ვინმეს შესაბამისი ფინანსური სახსრები აქვს მათ შეუძლიათ ამ გზას დაადგნენ და ითამაშონ საკუთარი სიამოვნებისათვის. მაგრამ არ არასებობს არცერთი წარმატებული პოკერის მოთამაშე რომელმაც თამაში NL200-ზე დაიწყო.
ითამაშეთ მხოლოდ მაშინ როცა უპირატესობა გაქვთ!
წარმატებული მოთამაშეები თანხმდებიან იმაში, რომ მხოლოდ მაშინ უნდა ითამაშო, როცა ხედავ მოგების შესაძლებლობას. თუ ისინი სერიოზულ წინააღმდეგობას აწყდებიან მაშინ ისინი უარს ამბობენ ბრძოლის გაგრძელებაზე. პოკერში არ არის არასწორად გაგებული რაინდული ღირსების ადგილი. აქ საქმე მხოლოდ უპირატესობასა და შემოსავალშია.
9. უნდობლობის პრობლემა
უნდობლობით შეპყრობილი ნატურები ძალიან ხშირად აკეთებენ ქოლს რადგან ისინი ვერ ეგუებიან აზრს, რომ ვინმემ შეიძლება ბლეფით მოატყუოს.
შეიძლება მათ ადრე ძალიან ხშირად ატყუებდნენ და ეს წარსულის მძიმე გამოცდილებიდან მომდინარეობს. მათთვის ბლეფთან დამარცხება დიდი დამცირებაა და ისინი ყველანაირად ებრძვიან მსგავს გამოვლინებებს.
ის ვისაც არასოდეს დაუყრია მომგებიანი კომბინაცია ძალიან ცუდად თამაშობს!
ჩვენი რჩევაა პოკერის მაგიდასთან მომხდარი არასოდეს მიიტანოთ გულთან ახლოს! ის ფაქტი რომ ხანდახან ბლეფთან წააგებთ სამარცხვინო არ არის. ეს მხოლოდ თამაშია
10. პესიმიზმის პრობლემა
ოპონენტის კარტის შეფასებისას ნუ იფიქრებთ რომ მას ყველაზე საუკეთესო კომბინაცია ჰყავს!
პესიმისტები ხშირად ყველგან საფრთხეს ხედავენ და ვარაუდობენ რომ მათ ოპონენტებს ნათსი ჰყავთ. ისინი ძალიან მორიდებულად თამაშობენ და ვერ იღებენ მაქსიმალურ შემოსავალს თავისი ძლიერი ხელიდან, გარდა ამისა ისინი ხშირად მარცხდებიან ბლეფთან.
11. შურისძიების პრობლემა
შურისძიებაზე ფიქრი გონებას ბინდავს და აუარესებს ობიექტური შეფასების უნარს!
ხშირად ისეც ხდება რომ თქვენ ერთმანეთის მიყოლებით ერთიდაიგივე ოპონენტთან აგებთ ფულს საშინელი ბედბითების წყალობით. რა თქმა უნდა ამ დროს ხშირად გვეუფლება ძალიან არასასიამოვნო შეგრძნება, მიუხედავად ამისა ანგარიშსწორებაზე მაინც არ უნდა ვიფიქროთ. თამაში გააგრძელეთ მშვიდად ობიექტურად და კონცენტრირებულად.ითამაშეთ თქვენი А - თამაში!
12. კონცენტრაციის პრობლემა
იზრუნეთ თამაშისთვის კარგი პირობების შექმნაზე!
პოკერის თამაშისას მრავალი ფაქტორი შეიძლება გამოდგეს ხელისშემშლელი, მაგალითად : დაღლილობა, ალკოჰოლი, ტელევიზორი, სკაიპი და სხვა.
13. კომფორტული ზონის პრობლემა
თუ თქვენ საკმაოდ ძლიერად თამაშობთ მაშინ ყოველთვის ის ლიმიტი აირჩიეთ სადაც თავს მაქსიმალურად კომფორტულად გრძნობთ!
სწორი ლიმიტის არჩევა დამოკიდებულია კომფორტის შეგრძნებასთან. ყველა ჩვენგანისთვის ფულს სხვადასხვანაირი მნიშვნელობა აქვს. თუ ძალიან დაბალ ლიმიტებზე ვითამაშებთ შეიძლება ფსონების ზომა სასაცილოდ მოგვეჩვენოს და ძალიან ხელგაშლილად დავიწყოთ თამაში და პირიქით ძალიან მაღალ ლიმიტზე თამაშისას ფსონების დიდმა რაოდენობამ შეიძლება შეგვბოჭოს და პასიურები გაგვხადოს.
ჩვენი წესების თანახმად ყველა მოთამაშემ თამაში დაბალი ლიმიტებიდან უნდა დაიწყოს, შეიძლება ისე მოხდეს რომ დამწყები მოთამაშე წარმატებული ბიზნესმენია და დაბალი ლიმიტების თანხები მას სასაცილოდ ეჩვენება, როგორ უნდა მოიქცეს იგი? მოძებნოს კომფორტული ზონა მაღალ ლიმიტებზე? არავითარ შემთხვევაში! მაღალ ლიმიტებზე მას დიდი იმედგაცრუება და კრახი ელოდება რამაც შეიძლება მისი პოკერის კარიერის დასასრული გამოიწვიოს.
ამიტომ ბიზნესმენს არჩევანი არ აქვს, მას მოუწევს ყველა დამწყები მოთამაშესავით დაბალი ლიმიტებიდან დაწყება და მათი თანდათანობით გაზრდა. ამ დროს ის შეიძლება სულაც Bellagio-ში 4000/8000 ლიმიტზე თამაშზე ოცნებობდეს.
წესი: ყველა დამწყებმა მათშორის მდიდრებმაც თამაში დაბალი ლიმიტიდან უნდა დაიწყოს! გვახსოვდეს რომ მთავარი მოგებული ცენტები კი არა არამედ მოპოვებული წარმატებაა!
14.პოკერისმოთამაშის"კეთილისმყოფელები"
ჩამოვთვალოთ კიდევ ერთხელ ხასიათის ის ნიშნები რომლებიც უნდა ახასიათებდეს პოკერის მოთამაშეს:
- მოთმინება
- დისციპლინა
- ცივსისხლიანობა
- გულმოდგინება
- ობიექტურობა და თვითკრიტიკა
- ჯანსაღი ოპტიმიზმი და სიმამაცე
- სპორტული სული
- ეკონომიკური გონიერება
- კონცენტრაციის უნარი
- მყარი ნერვები
- მოკრძალებულობა
- შემგუებლობა
15.დასკვნითი შენიშვნა
თამაშის სტრატეგიის ცოდნის გარდა პოკერის მოთამაშეს ასევე ხასიათის შესაბამისი ნიშნები სჭირდება. თუ თქვენ აშკარად არ გყოფნით ზემოთ ჩამოთვლილი "კეთილისმყოფელი" თვისებები , მაშინ საჭიროა დაფიქრდეთ ღირს კი საერთოდ პოკერის თამაშით დაკავდეთ?
ზემოთ ჩამოთვლილი პრობლემების განხილვისას არ უნდა დაგვავიწყდეს საქმის დადებითი მხარე. მოცემული სტატიის მსგავსი ლიტერატურა თქვენ ხელს გიწყობთ თქვენი განვითარებისაკენ მიმავალ გზაზე, სულ სხვანაირად აქვთ საქმე თქვენს მოწინააღმდეგეებს ისინი თამაშობენ მხარდაჭერის, ახსნა-განმარტების და გეგმის გარეშე. ნებისმიერი ზემოთ ჩამოთვლილი პრობლემა შეიძლება გახდეს მახე თქვენი ოპონენტებისთვის ხოლო თქვევნთვის უპირატესობად.
პოკერს ხშირად ახასიათებენ ფულზე შეყვარებული ხალხის ცოდვიან საქმიანობად. რა თქმა უნდა ამ აზრში არის რაღაც სიმართლის მაგვარი, მაგრამ მედალს ორი მხარე აქვს. წარმატებულად მხოლოდ ის თამაშობს ვინც განუწყვეტლივ ვითარდება, მუშაობს თავის თავზე და თამაშზე. ყოველი სათამაშო სესია სცდის ჩვენს ხასიათს, მოთმინების უნარს, დისციპლინას და ცივსისხლიანობას. ყოველმა დაუნსვინგმა უნდა გაგვაძლიეროს! პოკერი რაღაცით მედიტაციაც კი არის :)
16. ლიტერატურა
ბევრ პოკერის შესახებ დაწერილ წიგნში შეხვდებით რჩევებს თამაშის ფსიქოლოგიური კუთხის შესახებ. ჩვენი თემა სცდება პოკერის დამწყები მოთამაშეებისთვის განკუთვნილ დონეს. რადგან ის უფრო გამოცდილი მოთამაშეებისთვისაა განკუთვნილი. ამიტომ აქვე მოვიყვანთ იმ ლიტერატურას რომლებიც მთლიანად ეძღვნება პოკერის ფსიქოლოგიას, გარდა ამისე მეორე წიგნი ერთგვარად ეზოთერიულიცაა.
