შესავალი

ამ სტატიაში

• რა გარე ფაქტორები უნდა გავითვალისწინოთ
• მიიღეთ პოკერისგან სიამოვნება და არ შეგეშინდეთ შეცდომების დაშვების

რა სახის რჩევა შეიძლება მისცე მოთამაშეს, პოკერში კარიერის დაწყებისას? ან მას ვისაც უკვე აქვს გარკვეული გამოცდილება, მაგრამ ჯერ კიდევ ერთ ადგილს ტკეპნის?

ოცდაათი რჩევა, რომელიც აუცილებლად დაგეხმარებათ. თუ თქვენ გაითვალისწინებთ ამ რჩევებს, მაშინ ყველაფერი კარგად იქნება.

რიგითობას არ აქვს გადამწყვეტი მნიშვნელობა.

1. Tight is right

თაით თამაში - საუკეთესო გადაწყვეტაა თამაშის სწავლის პროცესში. რაც უფრო ნაკლებ სუსტ ხელს გაათამაშებთ, მით უფრო მარტივი იქნება თქვენი გადაწყვეტილება პოსტფლოპზე. პოკერის კარიერის განმავლობაში თქვენ კიდევ მოასწრებთ ითამაშოთ ლუზ სტილით, მაგრამ დასაწყისში უკეთესია რომ ამაზე უარი თქვათ.

მიჰყევით სასტარტო ხელების ჩართს და გადაუხვიეთ მისგან მხოლოდ განსაკუთრებულ შემთხვევებში.

მაშინაც კი როდესაც თქვენ უკვე რაღაცა გესმით პოკერში, მეთოდურად გააფართოვეთ სათამაშო ხელების დიაპაზონი გამოცდილებასთან ერთად.

2. ზედმეტად ნუ შეაფასებთ თქვენს შესაძლებლობებს

პოკერის სამყარო ძალიან დიდია, ეს შეიძლება მკაცრად ჟღერს, მაგრამ არ ელოდოთ რომ ვინმე გაშლილი ხელებით შეგხვდებათ.

თქვენს მაგიდებზე სხედან ადამიანები რომლებსაც მსგავსი მიზნები აქვთ, როგორიც თქვენ და რომლებმაც არანაკლებ კარგად იციან თამაშის საბაზისო წესები. ერთი შეხედვით სუსტ მოთამაშეებსაც აქვთ თავიანთი სტრატეგია. ისინიც ხვდებიან ფლოპში და აწყობენ თავიანთ დროუ ხელებს რივერზე.

თუ თქვენ კარგად მოტივირებული ხართ და კარგი სტარტი აიღეთ, არ გქონდეთ იმის იმედი რომ ყველა ბანკს მოიგებთ. პატივი ეცით ნებისმიერ ოპონენტს და იყავით მზად დამარცხებისათვის, რომელიც ამ თამაშში გარდაუვალია, მაშინაც კი, თუ თქვენ საუკეთესო მოთამაშე ხართ მაგიდაზე, ეს არ ნიშნავს იმას რომ თქვენ მაგიდას დატოვებთ ყველაზე დიდი მოგებით.

3. თეორია

როგორც ყველა სხვა პროფესიაში, პოკერშიც, თეორიის სწავლა არ არის სასიამოვნო პროცესი.

აქაც იგივე კანონი მოქმედებს რაც სკოლაში, უნივერსიტეტში ან სამსახურში: ტენდენციები იცვლება, ცოდნა ბერდება და ჩნდება ახალი ტენდენციები. რაც გუშინ მუშაობდა, შეიძლება ის დღეს არ იყოს იდეალური გადაწყვეტილება. ლიმიტების, რუმის ან თამაშის სახეობის ცვლილების დროს, აუცილებელია იყოთ უკანასკნელი ტენდენციების საქმის კურსში.

4. იფიქრეთ

მაშინაც კი როდესაც თქვენ იყენებთ სასტარტო ხელების ცხრილს, თქვენ არ უნდა შეწყვიტოთ ანალიზი და ფიქრი. განსაკუთრებით პოსტფლოპზე თქვენ განუწყვეტლივ უნდა აანალიზებდეთ სიტუაციებს. აქ სტანდარტები არ არსებობს, ყველა სიტუაცია უნიკალურია, იმიტომ რომ სასტარტო ხელების, ბორდის და მოთამაშეების ტიპის კომბინაციების შესაძლო რაოდენობა უთვალავია.

ეცადეთ ავტომატურ რეჟიმში არ გამოიყენოთ ერთი და იგივე გათამაშების ხაზი. დაუსვით თქვენს თავს შეკითხვა, რატომ არის არჩეული ხაზი საუკეთესო მსგავს სიტუაციაში? თუ არ ხართ დარწმუნებული საკუთარი გადაწყვეტილებების სისწორეში, დეტალურად გაანალიზეთ სიტუაცია და ნუ შეგრხვებათ შეკითხვების დასმა. პირიქით მხოლოდ კარგი მოთამაშეები სვამენ შეკითხვებს, ხოლო სუსტები დარწმუნებულნი არიან საკუთარ სიმართლეში, მათი გადარწმუნება მაგიდაზე მოგიწევთ.

5. იყავით აგრესიულები

ეცადეთ შეიგრძნოთ თაით აგრესიული სტილის უპირატესობები. პირველ რჩევაში უკვე ვთქვით რომ თაით აგრესიული სტილით თამაშის დროს ნაკლებად ჩავვარდებით რთულ სიტუაციებში, თუმცა არ გაუშვათ ხელის აგრესიულად გათამაშების შესაძლებლობა, რათა ოპონენტზე განახორციელოთ ზეწოლა, თანაც უკეთესია გააკეთოთ ეს უფრო ხშირად ვიდრე იშვიათად.

გეჭიროთ ფეხი აქსელერატორზე.
 

6. არა ტილტს!

ტილტი პოკერის მოთამაშეების ერთ-ერთი მთავარი პრობლემაა. ტილტის დროს მოთამაშეები ზედმეტად მგრძნობიარენი ხდებიან საკუთარი შედეგების მიმართ. წუწუნებენ საკუთარ თავზე, თავიანთ თამაშზე და რა თქმა უნდა ყოვლისშემძლე პოკერის ღმერთზე.
შედეგად მოყვება A-თამაშიდან გადახვევა და კონტროლის დაკარგვა. ხელში აიყვანეთ თქვენი თავი!

გადაავლეთ თვალი ფსიქოლოგიის განყოფილებას ჩვენს საიტზე.

7. მოთმინება

არაფერი არ კეთდება ერთ დღეში. თქვენს თავს დაუსახეთ რეალისტური მიზნები. ყოველ თვეში ერთი ლიმიტით მაღლა ასვლა და წლის ბოლოს ჰედზაფი ფილ აივისთან, ნაკლებად შეიძლება ჩაითვალოს მისაღწევ სამიზნედ.

რაც უფრო მაღალ სიმაღლეზე გეგმავთ ასვლას, მით უფრო მტკივნეული იქნება დაცემა. მოთმინებით ითამაშეთ, მიიღეთ შედეგები ისეთი, როგორიც ის არის. იმ პირობით რომ თქვენ თამაშობთ თქვენს საუკეთესო პოკერს, ასეა თუ ისე თქვენ ვერაფერს ვერ შეცვლით.

8. დაუნსვინგი?

თუ თქვენი ნათამაშები ხელების და მოგების გრაფიკი უეცრად ეცემა ქვევით, სავარაუდოა რომ თქვენ გაქვთ დაუნსვინგი. მაგრამ მომხდარის სხვა ახსნაც არსებობს.

მათ ვისაც დაუნსვინგი მთელი პოკერის კარიერის განმავლობაში უგრძელდებათ, აქვთ ერთი მთავარი პრობლემა - მათ არ იციან თამაში.

ეძებეთ შეცდომები და სუსტი წერტილები, იმუშავეთ თქვენს თამაშზე და მუდმივად გაანალიზეთ ის. არ შეიძლება ყველგან და ყოველთვის ყველაფრის იღბალზე დაბრალება, თუმცა მას ხშირად ექნება გავლენა თქვენს მოკლევადიან წარმატებებზე.

9. დისპერსია

ერთერთ ყველაზე რთულ და ჩახლართულ თემას წარმოადგენს დისპერსია.

• წააგოთ 10 კოინფლიპი მიყოლებით? სრულიად შესაძლებელია!
• წააგოთ 50 სტეკი? სრულიად შესაძლებელია!
• შეიძლება ყველაფერი მოხდეს პირიქით? სრულიად შესაძლებელია!

დისპერსიას ბევრი ნიღბები აქვს, თქვენ მხოლოდ მას უნდა გაეცნოთ. დაე ეს მტერი, გახდეს თქვენი მეგობარი, ვინაიდან დისპერსიას ისე თუ ასე ვერსად გაექცევით.

10. შერჩევითობა

ორი კოინფლიპის მოგება 500 ხელიანი სესიის დროს არ ნიშნავს რომ თქვენ კარგი მოთამაშე ხართ. ნამდვილი მაჩვენებელი არის გრძელვადიანი შედეგები.

„ეს არის ერთი დაუსრულებელი სესია...“ - მიყევით ამ დევიზს. თუ დღეს ყველაფერი აეწყო წარმატებულად, ეს არ ნიშნავს რომ ხვალაც იგივე განმეორდება. თქვენ უნდა მიეჩვიოთ უყუროთ ყველაფერს პერსპექტივაში. რომ დაუმტკიცოთ საკუთარ თავს რომ ხართ კარგი მოთამაშე, რამოდენიმე ათასი ხელი არ არის საკმარისი.

11. მაგიდების არჩევა 

თვალყური ადევნეთ ვის წინააღმდეგ თამაშობთ, თუ თქვენი ოპონენტები ისეთივე ძლიერები არიან როგორც თქვენ, მაშინ რეიკის გამო თქვენ ვერ ითმაშებთ ნულშიც. დისტანციაზე თქვენ გახვალთ მინუსში.

ამიტომ თქვენ უნდა ეცადოთ მინიმუმ რეიქის კომპენსირებას. ამისათვის თქვენ გჭირდებათ კარგი მაგიდები და შესაფერისი ოპონენტები, ვისი სათამაშო გადაწყვეტილებებიც როგორც წესი თქვენსაზე უარესია.

ყურადღება მიაქციეთ არამარტო მოთამაშეებს, არამედ პოზიციასაც, ეცადეთ რომ ცუდ მოთამაშეებს ეჯდეთ პოზიციაში და არ მოგერიდოთ მაგიდის დატოვება თუ თამაში არ მიგდით კარგად.

12. არავინაა იდეალური 

დისციპლინირებულ მოთამაშესაც კი არ შეუძლია ყოველთვის ითამაშოს თავისი საუკეთესო პოკერი. ალბათ ვერცერთი მოთამაშე ვერ დაიკვეხნის იმით რომ არასდროს არ გადაუხვევია თავისი A-თამაშისგან.

ნებისმიერი კარგი მოთამაშე გეტყვით რომ ასეთი გაგება როგორიცაა იდეალური თამაში არ არსებობს. რაღაც ყოველთვის შეიძლება გააკეთო უკეთესად. ნუ ეცდებით იყოთ თვით სრულყოფილება, იმიტომ რომ თქვენ ასე შეიძლება მოხვდეთ მძიმე ხაფანგში.

მიიღეთ თქვენი სისუსტეები ისეთი, როგორიც ის არის. თუ თამაშში გაქვთ ხვრელები, ეცადეთ ამოავსოთ ისინი. თუ იტილტებით, გაარკვიეთ სად არის პრობლემის საფუძველი და ეცადეთ მოიშოროთ თავიდან ეს პრობლემა. მთავარ ნაბიჯად აქ ითვლება თქვენი შეცდომების აღიარება. თუ თქვენ შეძლებთ ამის გაკეთებას, მაშინ თქვენ სწორ გზას ადგახართ.

13. მიიღეთ სიამოვნება 

სასაცილოდ ჟღერს მაგრამ სიამოვნება და გართობა ცხოვრებას ამსუბუქებს. თუ თქვენ ცუდ ხასიათზე ხართ და თამაშის არავითარი სურვილი არ გაგაჩნიათ, მაშინ უბრალოდ სხვა რამით დაკავდით. იმის ალბათობა რომ სათამაშო მაგიდაზე თქვენი განწყობილება გამოსწორდება, საკმაოდ დაბალია.

თქვენ ვერ შეძლებთ დიდი ხნით ითამაშოთ პოკერი, თუ ამ პროცესისგან სიამოვნებას არ მიიღებთ. თუ ვინმემ გადაგასწროთ რივერზე, უბრალოდ გაიღიმეთ, სულერთია, გაბრაზებით ვერ გამოასწორებთ სიტუაციას.

სანამ თამაშისგან სიამოვნებას იღებთ და სიხარულით ჯდებით მაგიდაზე, ვერცერთი ბედ ბითი ვერ შეგიცვლით განწყობილებას, საქმისადმი მსგავსი მიდგომა ძალიან დაგეხმარებათ თავიდან აიცილოთ ტილტი.

პოკერს შეხედეთ როგორც ჰობის, რომელიც მოსალოდნელია რომ მოგაგებინებთ რამოდენიმე დოლარს. როდესაც თქვენი კარიერა წავა წინ, თქვენ უბრალოდ მიიღებთ სიამოვნებას თამაშისგან.

სასიამოვნო პერსპექტივაა, არ მეთანხმებით?

14. არ შეგეშინდეთ შეცდომების 

თქვენ დაუშვებთ შეცდომებს, ბევრ შეცდომებს. ამას ვერაფერს მოუხერხებთ.

თქვენ უნდა ისწავლოთ საკუთარ შეცდომებზე და არ ეცადოთ გაექცეთ მათ. არ შეგრცხვეთ დაპოსტოთ ფორუმზე ან სხვაგან, თქვენი ყველაზე ცუდად გათამაშებული ხელებიც კი. ბოლოს და ბოლოს ეს დაგეხმარებათ ისწავლოთ რაღაც, რაც თქვენს საბოლოო მიზანს წარმოადგენს. იყავით თანმიმდევრულები. ყოველ კონკრეტულ სიტუაციაში გააკეთეთ ანალიზი, ეძებეთ პრობლემის გადაჭრის გზები და იყავით ჯიუტები თქვენს განზრახვებში. თუ განზრახვა მცდარი აღმოჩნდება შეძლებთ მის გადამოწმებას.

15. კონცენტრაცია 

ეცადეთ რომ ითამაშოთ სრული კონცენტრაციის პირობებში, არ შეიძლება ერთდროულად თამაშობდე პოკერს და სხვა საქმითაც იყო დკავებული. თუ უყურებთ ტელევიზორს, წერთ ელექტრონულ წერილს ან რაღაცას კითხულობთ ინტერნეტში, თქვენ ყურადღება გადაგაქვთ თქვენი მიზნიდან - მიყვეთ A-თამაშს გაიხსენეთ წინა რჩევები, არავინ არ გაჩუქებთ ფულს, ის უნდა გამოიმუშავოთ. არ მოატყუოთ საკუთარი თავი რომ 90% საკმარისია, დაიხარჯეთ 100%-ით და არ დაუშვათ რომ სხვა რაღაცაზე გაგეფანტოთ ყურადღება 

16. ჩაატარეთ ანალიზი

სესიის დამთავრების შემდეგ გაანალიზეთ ის. დეტალურად გაარჩიეთ რთული და
მარგინალური სიტუაციები, ეცადეთ აუხსნათ საკუთარ თავს რატომ აირჩიეთ ესა თუ ის ხაზი.

გადაამოწმეთ, არის თუ არა ალტერნატიული გათამაშება უფრო მომგებიანი.

განსაკუთრებული ყურადღება დაუთმეთ იმ სიტუაციებს სადაც საკუთარ თავში არ იყავით დარწმუნებული. გარდა ამისა დამატებით ანალიზს იმსახურებს ის გათამაშებები სადაც ექუითის სხვაობა იყო მინიმალური. თუმცა პირველ რიგში უნდა გადავამოწმოთ ის დარიგებები სადაც ყველაფერი კარგად მიდიოდა.

პატარა აფსვინგი არ ნიშნავს რომ არ უნდა გავარჩიოთ ჩვენი ხელები და მხოლოდ მაშინ გავარჩიოთ როდესაც ჩნდება პრობლემები. სწორედ ნათამაშები ხელების ანალიზი გაძლევთ საშუალებას დააგროვოთ ფასეული გამოცდილება და ცოდნა და არა უშუალოდ თამაშის პროცესი.

17. გვერდზე გადადეთ რეზულტატი

ვიცი რომ სათქმლად ადვილია, ხოლო გასაკეთებლად რთული. რა თქმა უნდა გიხარიათ როდესაც მოიგებთ კოინფლიპს და გწყინთ როდესაც აგებთ.

უნდა ეცადოთ არ აყვეთ ემოციებს იმის და მიხედვით თუ რა შედეგით დამთავრდა დარიგება, უბრალოდ მიიღეთ ის როგორიცაა. თქვენი მიზანია რომ კარგად გაათამაშოთ ხელები და დაუშვათ ნაკლები შეცდომები ვიდრე ოპონენტმა.

მარტო შედეგზე ორიენტირება არ მოგვცემს პროგრესს. ამიტომ აჯობებს ხელის გარჩევის დროს დაივიწყოთ შოუდაუნი.

დარიგების შედეგს არ აქვს მნიშვნელობა. გადამწყვეტ როლს თამაშობს გათამაშების არჩეული ხაზი და ის დიაპაზონი რომელზეც დასვით თქვენი ოპონენტი.

გათამაშების შედეგი შეიძლება აისახოს თქვენი ბანკროლის სიდიდეზე, მაგრამ არავითარი ზეგავლენა არ უნდა მოახდინოს თქვენი თამაშის ხარისხზე.
 

18. გადაჭარბებულად ნუ შეაფასებთ სტატებს

სტატები არის მნიშვნელოვანი ფაქტორი თქვენი ოპონენტის თამაშის პირველადი
შეფასებისათვის, თუმცა დააკვირდით სიტყვა “პირველადს”. სტატები დაგეეხმარებათ მიიღოთ წარმოდგენა ოპონენტზე, მაგრამ არ ღირს გააკეთოთ სარისკო მუვები იმოტომ რომ ოპონენტის ზოგიერთი სტატისტიკური მონაცემი გამოიყურება უჩვეულოდ ან არასტანდარტულად.

არ დაგივიწყდეთ რომ ბევრ მონაცემს გააჩნია სტატისტიკური მნიშვნელობა მხოლოდ შესაბამისი რიცხვების პირობებში. ისეთმა სტატებმა როგორიცაა Went to showdown და Aggression factor, შეიძლება მცდარ გზაზე დაგაყენოთ, თუ ოპონენტს არასაკმარისი რაოდენობის ხელი აქვს ნათამაშები.

მოთამაშე რომელიც არ წვება 4ბეთზე, არ ნიშნავს რომ სტეკზე ითამაშებს ლუზ სტილით, განსაკუთრებით მაშინ თუ მისი 3ბეთის მაჩვენებელი არის 1%. ეცადეთ შეადგინოთ ოპონენტის თამაშის საერთო სურათი და გადაჭარბებულად არ შეაფასოთ ცალკეული სტატები. 

19. ბანკროლ მენეჯმენტი

არსებობს ბანკროლ მენეჯმენტის რამოდენიმე ტიპი. 20 სტეკი. 40 სტეკი , სამოცი სტეკი. შეიძლება გამოვიყენოთ ბანკროლის მართვის სხვადასხვა წესები, მაგრამ მნიშვნელოვანია  მხოლოდ ერთი რამ: დაიცავით ის!

თუ თქვენ გამოგიჩნდათ საშუალება უფრო მაღალ ლიმიტზე გადასასვლელად, გამოიყენეთ ის. მაგრამ თუ თქვენი ბანკროლის სიდიდე შემცირდა გარკვეულ ზღვრამდე, არ შეგეშინდეთ დაბლა ჩამოსვლა. ეს ემართება ყველა ნორმალურ მოთამაშეს, რომელსაც ამა თუ იმ პერიოდში იღბალი ზურგს აქცევს და ეს ხდება როგორც წესი არაერთხელ.

დაბალ ლიმიტზე გადასვლა არ ჩათვალოთ როგორც პირადი მარცხი, ეს აბსოლუტურად არ არის ასე.

კიდევ ერთხელ დაუბრუნდით საფუძვლებს, მიიღეთ სიამოვნება თამაშისგან, იყავით მომთმენნი, კონცენტრირებულები და ეცადეთ მკაცრად მიყვეთ თქვნს A-თამაშს. თუ ახალმა ლიმიტმა არ გაგიმართლათ, შეეცადეთ აღიდგინოთ თვითრწმენა და დაბრუნდით ახალი ძალებით.

ეს არის ერთადერთი გზა. არ ღირს ჰარაკირის ჩატარება და ყველაფრის ერთ კარტზე დადება. ასეთი მიდგომა განწირულია კრახისთვის.

20. სწორხაზოვანი თამაში

ჩვენ თანდათან გადავდივართ თამაშის კონკრეტულ ასპექტებზე. ითამაშეთ სწორხაზოვნად, გააკეთეთ მხოლოდ ის მუვეები რომელშიც დარწმუნებულები ხართ.

თუ თქვენ ზუსტად იცით რომ უნდა გააკეთოთ ფსონი, გააკეთეთ ის. არ გაექცეთ კონტბეთებს თუ ფლოპში კარგად მოხვდით. არ გამოიყენოთ სულელური და გაუმართლებელი ბლეფები მხოლოდ იმიტომ რომ ჰოროსკოპის მიხედვით თქვენ დღეს იღბლიანი დღე გელოდებათ. მხოლოდ სოლიდური, გონიერი და იდეალურ ვარიანტში ბალანსირებული თამაში მოგცემთ საშუალებას მიაღწიოთ წარმატებას. და თუ თქვენს ჯიბის ტუზების 3ბეთებზე პასუხი ყოველთვის ფოლდია – რა ვქნათ, დაე ასე იყოს.

ითამაშეთ გონიერად, მოთმინებით და მაქსიმალური კონცენტრაციით. ადრე თუ გვიან ეს მოიტანს თავის შედეგს.

21. ალტერნატიული ხაზები

აქ წარმოდგენილია ნარევი მეოთხე და მეოცე პუნქტებისა.

მაშინაც კი თუ თქვენ ცდილობთ არ გააკეთოთ გრანდიოზული ბლეფები და არ გამოიყენოთ გათამაშების ეშმაკური ხაზები, თქვენ მაინც არასდროს არ უნდა შეაჩეროთ ფიქრი. ყოველთვის უნდა ეცადოთ მოძებნოთ გათამაშების იდეალური გზა.

თუ თქვენ ფიქრობთ რომ ჩექ/რეიზი არის კარგი ალტერნატივა, მაშინ თქვენ უნდა იყოთ თქვენი აზრის ერთგული. თუ თქვენ გინდათ გააკეთოთ 3 ბარელი ბლეფით და ამ დროს გაქვთ იმის ვარაუდის საფუძველი რომ ეს ხაზი იქნება მომგებიანი, მაშინ გააკეთეთ ისე როგორც თქვენ თვლით საჭიროდ.

კიდევ ერთხელ: არ შეგეშინდეთ შეცდომების დაშვების, სინჯეთ და ჩაატარეთ ექსპერიმენტები. მაგრამ ამასთან ერთად არ დაგავიწყდეთ, ყოველთვის გაანალიზეთ მსგავსი დარიგებები სესიის დამთავრების შემდეგ.
 

22. ფსონის სახეები

წინა სტატიებში ჩვენ გავეცანით ფსონის სახეებს. ყველა სიტუაციაში თქვენ უნდა იცოდეთ რატომ აკეთებთ ფსონს

თქვენს მიზანს წარმოადგენს ბლეფი, რომელიც მაღალი ალბათობით აიძულებს მოწინააღმდეგეს დაყაროს უკეთესი ხელი? თუ თქვენ აკეთებთ ფსონს ველიუსათვის და გსურთ მიიღოთ ქოლი უფრო სუსტი ხელისგან?

ამან შეიძლება გაგაკვირვოთ, მაგრამ ბევრ მოთამაშეს წარმოდგენაც არ აქვს, რა მიზნით აკეთებს ფსონს. ბლეფი თუ ველიუ „საკითხავი აი ეს არის“. თქვენ ყოველთვის უნდა გქონდეთ ამაზე პასუხი.

23. ფსონის სიდიდე

თუ თქვენ უკვე გაერკვიეთ რატომ აკეთებთ ფსონს, მაშინ ახლა სწორად უნდა შეარჩიოთ მისი სიდიდე.

ფსონის ზომას აქვს გადამწყვეტი მნიშვნელობა, ვინაიდან ის პირდაპირ მოქმედებს თქვენს ვინრეითზე. თქვენ აძლევთ ოპონენტს გარკვეულ ოდსებს და უნდა იცოდეთ მათი გამოთვლა. თქვენ ზუსტად უნდა იცოდეთ რა რაოდენობის ფსონი უნდა გააკეთოთ ამა თუ იმ მიზნის მისაღწევად.

ეს არის თეორიის საფუძვლები, რომელიც უნდა იცოდეთ ზეპირად.

24. ოდსები

როგორც ზემოთ ავღნიშნეთ ოდსები ტეხასურ ჰოლდემში უმნისვნელოვანეს ელემენტს წარმოადგენს. ჩვენ ის უკვე განვიხილეთ დაწვრილებით წინა სტატიებში.

რა ოდსებს ღებულობთ, თუ ოპონენტი გარკვეული რაოდენობის ფსონს აკეთებს? როგორი ოდსებია აუცილებელი, რათა დაქოლოთ ფლეშ-დროუ ხელით? როგორი ოდსებით შეგიძლიათ დაქოლოთ ოლინი, თუ წინ კიდევ ორი ან სულაც სამი ქუჩაა გასავლელი?

ეს საკითხები შეიძლება დასაწყისისთვის ძალიან რთულად მოგეჩვენოთ, მაგრამ მასზე პასუხის გაცემა მოგიწევთ თითქმის ყველა დარიგებაში. 

25. დროუ ხელები 

თქვენ ვერაფრით ვერ გაექცევით დროუ ხელბის გათამაშებას. ამიტომაც ზუსტად კარიერის დასაწყისში, აუცილებელია რომ უფრო კარგად გაერკვეთ ამ კომბინაციის გათამაშების თავისებურებაში.

აუცილებელია დაწვრილებით შეისწავლოთ მოსალოდნელი ოდსების კონცეფცია. ეს თემა ჩვენ უკვე გავიარეთ წინა სტატიებში.

მარგინალური ხელების გათამაშების საბაზო წესებზე შეიძლება წაიკითხოთ შემდეგ თემებში:

• როგორ გავათამაშოთ დროუ ხელები?
• ნახევარბლეფი.

ერთი შეხედვით შეიძლება მოგეჩვენოთ რომ მასალა რომელიც უნდა შევისწავლოთ ძალიან დიდია, მაგრამ ამ კონცეფციებს აქვს ფუნდამენტალური მნიშვნელობა წარმატებული თამაშისთვის.

26. თეორიის შესწავლა (დაგეგმვა)

განმარტება: შეიმუშავეთ თეორიული მასალის შესწავლის გეგმა.

თუ თქვენ უბრალოდ წაიკითხავთ ყველა სტატიებს და მონიშნავთ როგორც წაკითხულს, მაშინ სარგებელი არ იქნება იმდენი, რამდენიც საჭიროა რომ იყოს. შეისწავლეთ თეორია ნაბიჯ-ნაბიჯ და შეეცადეთ თავში ჩაიჭედოთ რასაც კითხულობთ.

თუ თქვენ რაღაც არ მოგწონთ ან გაქვთ თქვენი განსხვავებული აზრი, გამოთქვით ის მწრთვნელთან ან კომენტარებში. აქტიურად ჩაებით დისკუსიებში, ეს დაგეხმარებათ უფრო ღრმად ჩაწვდეთ თამაშის უმნიშვნელოვანეს ასპექტებს.

ითამაშეთ სესია, გაანალიზეთ ის, შემდეგ კი რამოდენიმე ხანი დაუთმეთ თეორიას. ეს გრძელი პროცესია, ამიტო მოიმარაგეთ მოთმინება. გამარჯვებულებად არ იბადებიან, გამარჯვებულები ხდებიან.

27. ყურადღება მიაქციეთ აგრესიას

ყურადღება მიაქციეთ რას აკეთებენ ოპონენტები და რამდენად ხშირად. დაიმახსოვრეთ შემდეგი წესი: ფსონი არ არის ძალის მაჩვენებელი, მაგრამ ოპონენტის რეიზის არდაფასება არ ღირს.
 

28. ეძებეთ მეგობრები და პარტნიორები

კარიერის განვითარებისას ეცადეთ მოძებნოთ პარტნიორი. ამ პარტნიორს უნდა გააჩნდეს იგივე მიზნები, როგორიც თქვენ: ურთიერთმოტივირება, თეორიის ერთობლივი შესწავლა, ტრენინგებზე დასწრება. იდეალურ შემთხვევაში უკეთესია ტრენინგის დროს ერთად იმყოფებოდეთ.

ეს დაგეხმარებათ გადაწყვიტოთ ბევრი პრობლემა. ბოლოს და ბოლოს ერთად უფრო სახალისოა, ხოლო როდესაც გვერდით იქნება დამკვირებელი, იძულებული იქნებით ითამაშოთ მაქსიმალური კონცენტრაციით და ადვილად დაძლევთ ტილტსაც.

29. გიხაროდეთ პროგრესი

ერთი ნაბიჯი თქვენი ბანკროლისთვის, სამი ნაბიჯია თქვენთვის.

იყავით ორგანიზებულნი, დაისახეთ რეალისტური მიზნები და გაიხარეთ თუ მას მიაღწევთ. ერთი ლიმიტით ზემოთ ასვლა ეს კარგია და თქვენ უნდა იყოთ კმაყოფილი. ამასთან არავითარი მნიშვნელობა არ აქვს რა ლიმიტზე ახვედით.

თქვენ უნდა გესმოდეთ, რომ თქვენ კიდევ ბევრი რამ უნდა ისწავლოთ, მაგრამ პატარა წარმატებაც კი უკვე არის გამარჯვება, ეცადეთ თამაშისგან მიიღოთ სიამოვნება და არ დაგავიწყდეთ თავის შექება, თუ რაიმე მიზანს მიაღწიეთ.

თუ თქვენ მიისწრაფით რომ იყოთ საუკეთესო და პატარა მიღწევებს, უბრალოდ არ აღიარებთ. მაშინ თქვენ ყველაფერს თავი რომ დავანებოთ, ვერ იქნებით ბედნიერი.

30. პიტერის პრინციპი

პიტერის პრინციპი ამტკიცებს რომ თქვენ ყოველთვის იმოძრავებთ წინ, სანამ არ მიაღწევთ თქვენი შესაძლებლობების ზღვარს.

ეს არ ნიშნავს რომ თქვენ ვერასდროს ვერ მიაღწევთ გარკვეულ ლიმიტებამდე ან გარკვეულ მიზნებამდე, თუმცა თქვენ უბრალოდ არ ხართ მზად ითამაშოთ ამა თუ იმ ლიმიტზე. თქვენ შეიძლება გქონდეთ საკმარისი ბანკროლი, მაგრამ გაკლდეთ ცოდნა, გამოცდილება, მოთმინება ან ცივსისხლიანობა.

ცივსისხლიანობის ნაკლულობაში იგულისხმება, რომ მიუხედავად ბანკროლ-მენეჯმენტის კონსერვატიულობისა, თქვენ მაინც შიშობთ ბანკში ფულის ჩადებას და მუდმივად ფიქრობთ იმაზე თუ რამდენ ფულს რისკავთ მაგიდაზე.

მაღალ ლიმიტზე გადასვლისას გამოწვეული წარუმატებლობას განსაზღვრავს მრავალი სხვადასხვა ფაქტორი. შეეცადეთ გაარკვიოთ სად იმალება ნამდვილი მიზეზი. თუ თქვენ ეს არ გამოგდით, უბრალოდ იყავით ბედნიერი უკვე მიღწეულით.

ყველას ხვედრი არ არის, რომ ითამაშოს მაღალ ლიმიტებზე

დასკვნა

ვიმედოვნებთ რომ თქვენ შეგექმნათ ნათელი წარმოდგენა, თუ რომელ ძირითად ასპექტებზე უნდა გაამახვილოთ ყურადღება, რათა გახდეთ კარგი პოკერის მოთამაშე. 

შეიძლება ისე აღმოჩნდეს რომ რომელიმე პუნქტი არ გიქმნით არავითარ პრობლემას, მაშინ როდესაც სხვა ასპექტი თქვენთვის გადაულახავი ბარიერია. როგორც უკვე ვთქვით ყველაზე მთავარია ვიცოდეთ ჩვენი შეცდომები და ვიმუშაოთ მის გამოსწორებაზე. საქმისადმი ასეთი დამოკიდებულებით ადრე თუ გვიან მიაღწევთ თქვენს მიზანს.