შესავალი სტატიაში: 

• პასიური თამაშის უპირატესობები 
• როდის შეგიძლიათ ოპონენტს უფასოდ ანახოთ კარტი
• რა რეაქცია გვქონდეს მოწინააღმდეგის აგრესიაზე

აგრესიული თამაშის თეორიის გავლის შემდეგ, პასიური თამაშის შესწავლის ჯერი დადგა. იდეაში, ეს ნიშნავს, რომ ფლოპზე თქვენ ფსონსა თუ რეიზს არ აკეთებთ. თქვენ უგულვებელყოფთ აგრესიული თამაშის საფუძვლებსა და უპირატესობებს, მაგრამ იღებთ საშუალებას გამოიყენოთ პასიური სტილის უპირატესობები.

აგრესიული სტილის მსგავსად, პასიურ თამაშსაც 4 საბაზისო მიზანი აქვს:

• ბანკის კონტროლი 
• Way ahead/way behind 
• ბლეფის პროვოცირება 
• დრო-ხელების პასიური გათამაშება 

როგორც უკვე არაერთხელ აღვნიშნეთ, ზემოთქმული ცნებები ურთიერთგადაკვეთადია. Way ahead/way behind სიტუაციის გათამაშება ეყრდნობა ბანკის კონტროლისა და ბლეფის პროვოცირების პრინციპებს. 
მიზანი შემდეგია - მოვუგოთ რაც შეიძლება მეტი უარეს ხელებს და წავაგოთ რაც შეიძლება ნაკლები უკეთეს ხელებთან. სწორედ ამაში მდგომარეობს Way ahead/way behind-ის პრინციპი. 

ნეგატიური მხარე კი ის არის, რომ თქვენ უფასო კარტებს არიგებთ და დრო-ხელებს შესაძლებლობას აძლევთ მზა ხელად გადაიქცნენ. 

როგორც ყოველთვის, განვიხილავთ რამდენიმე მაგალითს.

როდის გამოვიყენოთ ბანკის კონტროლი, ესეიგი გავათამაშოთ Way ahead/way behind სიტუაცია?

მაგალითი 1 

PartyPoker $25 NL Hold'em (6-handed)

Stacks & Stats
MP ($25)
CO ($25) (15/12/3.0/24/1871)[VPIP/PFR/AF/WTS/Hands]
UTG ($25)
BB ($25)
SB ($25)
Hero ($25)
Pre-flop: Hero is BU with K, Q
2 folds, CO raises to $1.00, Hero calls $1.00,2 folds

Flop: ($2.35) 5, 7, Q (3 players)
CO bets $2.00, Hero calls $2.00

პრეფლოფზე გადაწყვიტეთ პასიურად გეთამაშათ და საკმაოდ თაითი მოთამაშის open raise უბრალოდ ქოლით მიიღეთ. ფლოპზე კი უმაღლესი წყვილი მიიღეთ.

სად იმყოფებით? 

ზუსტად ვერ იტყვით. ოპონენტს შეეძლო პრეფლოპზე რეიზის გაკეთება საკმაოდ ძლიერი ხელებით(AA/KK/QQ/AQ), რომლებიც თქვენ გამარცხებენ. თუმცა იმავე წარმატებით მცირე ჯიბის წყვილითა ან უფრო სუსტი ხელითაც შეეძლო ფსონის გაკეთება. საიმედო ანალიზის გაკეთება, რომელზე დაყრდნობაც ღირს, საკმაოდ რთულია, თუმცა, დიაპაზონი, პრინციპში აშკარაა.

რატომ „ქოლი“?

მსგავსი ფლოპისგან მეტის მოლოდინი არ უნდა გვქონდეს. თქვენ მშრალ ბორდზე უმაღლესი წყვილი გყავთ. რეიზს აზრი არ აქვს, რადგანაც ბანკიდან ყველა სუსტი ხელი გავა, ხოლო ძლიერი კი ყველა შემთხვევაში დარჩება.

როგორი გახლავთ გათამაშების შორეული გეგმა?

ფაქტი, რომ ფლოპზე ფსონი გაასწორეთ, სულაც არ ნიშნავს, რომ თქვენ აუცილებლად გათამაშების დასასრულამდე უნდა მიაღწიოთ და სტეკზე ითამაშოთ. მომდევნო ეტაპებზე აუცილებელია უფრო ზუსტად შეაფასოთ, რითი და რატომ დებს ოპონენტი. ამავე დროს გეგმა კიდევ მინიმუმ ერთი ფსონის გასწორებას მოიცავს.

დასკვნა

მშრალ ბორდზე თუ საკმაოდ ძლიერი ხელი გყავთ, აქვს აზრი უპირატესობა პასიურ გათამაშებას მივანიჭოთ. რეიზით უმრავლეს შემთხვევაში საკუთარ თავსვე გაუკეთებთ იზოლირებას, უძლიერესი ხელების წინააღმდეგ, მაშასადამე, რეიზ/ქოლ ხაზი გადაჭარბება იქნება, ხოლო რეიზ/ფოლდი კი საერთოდ არ უნდა განიხილოთ უმაღლესი წყვილით(ბოლოს და ბოლოს მსგავსი თამაშის უბრალო ბლეფად ჩათვლა შეიძლება) 

მაგალითი 2

PartyPoker $25 NL Hold'em (10-handed)

Stacks & Stats
UTG ($25)
UTG+1 ($25) (40/5/0.3/35/432)[VPIP/PFR/AF/WTS/Hands]
UTG+2 ($25)
MP1 ($25)
MP2 ($25)
Hero ($25)
CO ($25) (8/5/1.8/18/371) [VPIP/PFR/AF/WTS/Hands]
BU ($25) (15/12/2.1/23/800)[VPIP/PFR/AF/WTS/Hands]
SB ($25)
BB ($25) (12/9/2.6/21/333) [VPIP/PFR/AF/WTS/Hands]

Pre-flop: Hero is MP3 with A T 

1 fold, UTG+1 calls $0.25, 3 folds,Hero raises to $1.25, 3 folds, BB calls $1.25, UTG+1 calls $1.00

Flop: ($3.85) A, 6, 6 (3 players)
BB checks, UTG bets $2.50, Hero calls $2.50

თქვენ იფიქრეთ, რომ პრეფლოპ ATo საკმაოდ კარგი ხელი გახლდათ loose raise-ის გასაკეთებლად, რათა UTG+1 იზოლაციაში მოგექციათ. სამწუხაროდ, BB-მაც გაასწორა ფსონი და ახლა, ფლოპზე, სამკაციან ბანკში აღმოჩნდით.

სად იმყოფებით? 

თქვენ მიიღეთ უმაღლესი წყვილი აბსოლუტურად უსაფრთხო ბორდზე. უმრავლეს შემთხვევაში თქვენ წინ იქნებით, რადგანაც UTG-ის შეეძლო ჩეკ/ქოლი საკმაოდ ფართო დიაპაზონით ეთამაშა, პირველ რიგში კი, ტუზით, უფრო პატარა კიკერით, რომლებზეც დომინირებთ. თაით BB-ს საკმაოდ ხშირად ჯიბის წყვილი ექნება, შესაბამისად, ბორდი არც თუ ისე ხშირად დაეხმარება. 

რატომ „ქოლი“? 

Way ahead/way behind გათამაშების საბაზო პრინციპი მოქმედებს ამ მაგალითშიც. რეიზის შემთხვევაში, უმრავლესი უარესი ხელებისა გავლენ ბანკიდან. თანაც, პოზიციაში იმყოფებით, მაშასადამე, ჯერ კიდევ მოასწრებთ თერნზე და რივერზე გადაწყვიტოთ, რამდენად ძლიერია თქვენი კიკერი შოუდაუნის მოსაგებად. 

როგორი გახლავთ გათამაშების შორეული გეგმა? 

თაითი მოთამაშე BB-ზე თუ ჩექ/რეიზს გვეთამაშება, ხელის დაყრა მარტივად შეიძლება. AK-AJ ხელები მისი დიაპაზონის საკმაოდ დიდი ნაწილს წარმოადგენენ, სუფთა ბლეფი კი იშვიათად იქნება. 

დასკვნა 

სამკაციან ბანკშიც კი აქვს აზრი ფლოპზე ბანკის ზრდა გავაკონტროლოთ. თქვენ არც თუ ისე ცუდი ხელი გყავთ და ალბათ არ გნებავთ, რომ უარესი ხელები შეაშინოთ. დაყრას კი ყოველთვის შეძლებთ, თუკი თამაში ზედმეტად გახურდება.

მაგალითი 3

ვნახოთ ბანკის კონტროლის კიდევ ერთი მაგალითი. 

PartyPoker $25 NL Hold'em (6-Handed)

Stacks & Stats
MP ($25)
CO ($25) (14/4/0.7/26/518) [VPIP/PFR/AF/WTS/Hands]
Hero ($25)
BB ($25)
SB ($25)
BU ($25)

Pre-flop: Hero is UTG with A, K

Hero raises to $1.00, 1 fold, CO calls $1.00, 3 folds

Flop: ($2.35) K, 7, 6 (2 players)
Hero bets $1.50, CO raises $3.50, Hero calls $3.50

ფლოპი საკმაოდ კარგად გამოიყურება, მაგრამ CO-ს მინიმალური რეიზი თქვენს გეგმაში აშკარად არ ჯდება. ოპონენტი პასიურია და შეიძლება ხელთ ძლიერი კომბინაცია ჰყავდეს.

სად იმყოფებით? 

თეორიულად, თაით მოწინააღმდეგეს, რომელიც პრეფლოპზე ხშირად ქოლისკენ უფრო იხრება, ვიდრე აგრესიული მოქმედებისაკენ, არც თუ ისე ფართო დიაპაზონი აქვს. 77/66, რა თქმა უნდა, სავარაუდოა. ასევე არ შეიძლეა გამოვრიცხოთ ფლეშ ან სტრიტ-დრო.

რატომ „ქოლი“? 

ოპონენტის სუფთა ბლეფისა თქვენ არ გწამთ. ჩნდება კითხვა: გადაზარდა დრო-ხელში/სუსტი Kით თუ მონსტრით? 

ფოლდზე საუბარი არც კი ღირს, მაგრამ 3-ბეთის გაკეთების შემთხვევაში, ვალდებული ხართ სტეკზე ითამაშოთ. ზუსტად აქ ჩნდება პრობლემა: მთელ ფულზე თამაში დიდად არ გსურთ, რადგანაც თქვენი 3-ბეთის შემდეგ დრო-ხელები დატოვებენ გათამაშებას და მხოლოდ ძალიან ძლიერი ხელები დარჩებიან.

ზემოთქმულის გათვალისწინებით უპირატესობა ბანკის კონტროლს უნდა მივანიჭოთ. 

ამგვარად, მოცემულ მაგალითში აზრთა თანმიმდევრობა way ahead/way behind სიტუაციისგან განსხვავებულია, რადგან, ნათელია, რომ შესაძლო დრო-ხელებს უფასო კარტს სთავაზობთ. და მაინც, თქვენთვის მეტად მომგებიანია შეინარჩუნოთ მცირე ბანკი და რაც შეიძლება ნაკლები დანახარჯებით მიაღწიოთ შოუდაუნამდე. 

როგორი გახლავთ გათამაშების შორეული გეგმა? 

გათამაშების მომდევნო ეტაპებზე ფრთხილად თამაში მოგიწევთ, რადგანაც მთელი ფულის ინვესტირება არ გსურთ. უპირველესად, ოპონენტის ფსონს დააკვირდით, შეძლებთ კი შედარებით მცირე რაოდენობა BB-ის ხარჯზე მიხვიდეთ შოუდაუნამდე. 

სამწუხაროდ, თერნზე კიდევ ერთი გულის ამოსვლის შემთხვევაში გათამაშების დატოვება მოგიწევთ. იარსებებს ცოტა ხელი, რომლის დამარცხებაც თქვენ შეგიძლიათ, ოპონენტი კი ინვესტირებას განაგრძობს. სწორედ ეს არის ბანკის კონტროლის ფასი, სამაგიეროდ სტეკის დიდი ნაწილი, ისევ თქვენთან არის. 

დასკვნა 

ზოგჯერ მოგიწევთ ითამაშოთ ბანკის კონტროლზე wet board-ებზეც კი. არასდროს სცადოთ ხელის დაცვა All-in-ით, თუკი ეჭვობთ, რომ ოპონენტი თამაშს მხოლოდ ძლიერი ხელით გააგრძელებს. თქვენ ხელი თუ საკმაოდ ძლიერია ფოლდისთვის, არ დაგრჩენიათ სხვა არჩევანი გარდა იმისა, რომ ოპონენტს უფასო კარტი მისცეთ და დააკვირდეთ, რა მოხდება შემდეგ. 

როდის მოვახდინოთ ბლეფის პროვოცირება? 

PartyPoker $25 NL Hold'em (10-Handed)

Stacks & Stats
UTG ($25)
UTG+1 ($25) (16/11/3.3/24/488)[VPIP/PFR/AF/WTS/Hands]
UTG+2 ($25)
MP1 ($25)
MP2 ($25)
Hero ($25)
CO ($25) (8/5/1.8/18/371) [VPIP/PFR/AF/WTS/Hands]
BU ($25) (15/12/2.1/23/800)[VPIP/PFR/AF/WTS/Hands]
SB ($25)
BB ($25) (12/9/2.6/21/333) [VPIP/PFR/AF/WTS/Hands]

Pre-flop: Hero is MP3 with K, K

1 fold, UTG+1 raises to $1.00, 3 folds , Hero raises to $3.25, 4 folds, UTG+1 calls $3.25

Flop: ($6.85) A, 7, 4 (2 players)
UTG+1 checks, Hero checks

მსგავსი სიტუაცია, ალბათ, ნამდვილად არ წარმოგედგინათ, როდესაც გათამაშება დაიწყო. თაითმა UTG-მ ჯერ ფსონი გააკეთა, შემდეგ თქვენი რეიზი გაასწორა, ფლოპზე კი A ამოვიდა.

სად იმყოფებით? 

პასუხის გაცემა საკმაოდ რთულია. მოწინააღმდეგეს შეეძლო მსგავსად QQ გაეთამაშებინა, მაგრამ AK მის დიაპაზონში ასევე გახლავთ.

რატომ „ჩექი“? 

საეჭვოა, უარესმა ხელმა თქვენი ფსონი გაასწოროს. ბეთ/ფოლდ ხაზს თუ აირჩევთ, ფაქტობრივად, თქვენ ბლეფობთ. ბლეფს კი მოცემულ სიტუაციაში აზრი არ აქვს, რადგანაც მოწინააღმდეგე უკეთეს ხელს(მაგ: Ax) არასდროს არ დაყრის. თქვენ აკეთებთ ჩექს იმედით, რომ თერნზე ოპონენტი ფსონს უარესი ხელით გააკეთებს.

როგორი გახლავთ გათამაშების შორეული გეგმა? 

თერნზე ფსონს, რა თქმა უნდა, გაასწორებთ. საპასუხო ჩექით ფლოპზე, ბლეფის პროვოცირებას ახდენთ. ოპონენტი, თითქოს, ვალდებულია ბანკის მოპარვა სცადოს. თუკი ის კიდევ ერთხელ იტყვის ჩექს, მაშინ თქვენ მოგიწევთ დადება, რათა ველიუ არ დაკარგოთ. 

დასკვნა 

ბლეფის პროვოცირება განსაკუთრებით კარგად აგრესიული მოთამაშეების წინააღმდეგ მუშაობს. თქვენ ჩექს იმ იმედით აკეთებთ, რომ ვაჭრობის ერთ-ერთ მომდევნო ეტაპზე, ოპონენტი უარესი ხელით გააკეთებს ფსონს. როდის გავათამაშოთ დრო-ხელები პასიურად?

PartyPoker $25 NL Hold'em (10-Handed)

Stacks & Stats
UTG ($25)
UTG+1 ($25) (40/5/0.3/35/432)[VPIP/PFR/AF/WTS/Hands]
UTG+2 ($25)
MP1 ($25)
MP2 ($25)
MP3 ($25)
CO ($25) (33/11/1.6/24/300)[VPIP/PFR/AF/WTS/Hands]
Hero ($25)
(SB ($25)
BB ($25) (32/7/0.6/28/737) [VPIP/PFR/AF/WTS/Hands]

Pre-flop: Hero is BU with 5, 6
1 fold, UTG+1 calls $0.25, 3 folds, MP1 calls $0.25, CO calls $0.25, Hero calls $0.25, 1 fold, BB checks

Flop: ($1.35) 2, 8, J (5 players)
BB checks, UTG bets $1.00, 1 fold, CO calls $1.00, Hero calls $1.00,...

ფლოპზე ფლეშ-დრო დაიჭირეთ, ზუსტად ის, რისი იმედიც გქონდათ, როდესაც პრეფლოპ მულტიპოტში მსგავსი ხელით ფსონი გაასწორეთ. 

სად იმყოფებით? 

თქვენ გყავთ დრო-ხელი შოუდაუნ ღირებულების გარეშე, მაგრამ ამავდროულად 9 აუტი გაქვთ ფლეშამდე გასაძლიერებლად.

რატომ „ქოლი“? 

ნათელია, რომ გათამაშებაში დარჩენა გსურთ, რადგანაც ოდსები უბრალოდ ბრწყინვალეა. გადაზრდილ ბანკში ერთი ოპონენტის წინააღმდეგ ფლეშ-დროს აგრესიულად გათამაშება თუ არის რეკომენდებული, გადაუზრდელ მულტიპოტში ყველაფერი პირიქით არის. თქვენ იშვიათად გექნებათ საკმარისი ფოლდ-ექუითი ბანკიდან ყველა მოთამაშის გამოსათიშად. თანაც პოზიციაში იმყოფებით, შეგიძლიათ სავარძლის ზურგს მიეყრდნოთ და ყურადღებით დააკვირდეთ ოპონენტების მოქმედებებს. გახსოვდეთ 9 აუტი კარგია, მაგრამ არა ბრწყინვალე.

როგორი გახლავთ გათამაშების შორეული გეგმა? 

თქვენამდე თუ რომელიმე ოპონენტი დადებს, ისღა დაგრჩენიათ ოდსებისა და აუტების ცოდნა გამოიყენოთ და ფსონის სიდიდეზე დაყრდნობით სწორი გადაწყვეტილება მიიღოთ. 

მოსალოდნელი ოდსებიც არ არის დასავიწყებელი, მით უმეტეს, თერნზე, თუკი მოწინააღმდეგის ტიპი ხელს გვიწყობს. გაძლიერდებით ფლეშამდე - რეიზის გაკეთებისა არ მოგერიდოთ, თქვენ ხომ პოზიციაში იმყოფებით და ველიუს მაქსიმიზირებისთვის ამ უპირატესობის გამოყენება ურიგო არ იქნება. 

დასკვნა 

ფიქრობთ, რომ ფსონის გაკეთებით საკმარისი ფოლდ-ექუითის შექმნას ვერ შეძლებთ(ეს კი თითქმის ყოველთვის მოხდება მულტიპოტში), მაშინ თქვენი დრო-ხელის პასიურად გათამაშება შეგიძლიათ, უბრალოდ დაელოდეთ სასურველი კარტის ამოსვლას. ქოლი ოდსებსა და აუტებზე დაყრდნობით აკეთეთ.

მოსალოდნელი ოდსები მხედველობაში მაშინ მიიღებთ, თუ ოპონენტებს საკმარისი თანხა დარჩათ იმისთვის, რომ მომდევნო ეტაპებზე დიდი ფსონები გადაგიხადონ.

რეზიუმე 

თქვენ დარწმუნდით, რომ მრავალ სიტუაციაში ფლოპზე ღირს პასიური გათამაშება. პოზიციის გათვალისწინებით, შეგიძლიათ მცირე ბანკი შეინარჩუნოთ, ოპონენტი კი ბლეფში ჩაითრიოთ. მსგავსი თამაში განსაკუთრებით ეფექტურია, როდესაც შესაძლებლობა გაქვთ მოწინააღმდეგეს მშრალი ბორდის გამო უფასო კარგი აჩვენოთ. 

საშუალო სიძლიერის ხელით შოუდაუნამდე თავის აუტკივებლად მისვლაში დასაძრახი არაფერია. გაცილებით უარესია, მოგიწიოთ გათამაშებიდან გასვლა, მას შემდეგ, რაც თქვენი აგრესიის გამო ბანკში საკმაო თანხა ჩადეთ, მთლიან სტეკზე სათამაშოდ კი მზად არ ხართ.